Եվրախորհրդարանի ղեկավարը կոչ է արել խստացնել այցագրային սահմանափակումները ՌԴ քաղաքացիների համար
Եվրոպական խորհրդարանի նախագահ Ռոբերտա Մեցոլան հայտնել է, որ հոկտեմբերի 15-ին Բրյուսելում կայացած ԵՄ գագաթնաժողովում ունեցած իր ելույթի ժամանակ Եվրամիության ղեկավարներին հայտնել է Ուկրաինային ցուցաբերվող աջակցությունն ուժեղացնելու անհրաժեշտության մասին, հատկապես՝ ձմռանն ընդառաջ։
«Արմենպրես»-ի փոխանցմամբ՝ այս մասին նա ասել է մամուլի ասուլիսի ժամանակ, որը տեղի է ունեցել ԵՄ երկրների պետությունների ու կառավարությունների ղեկավարների առջև Եվրախորհրդարանի նախագահի ավանդական ելույթից հետո։
«Մեր աջակցությունը պետք է էլ ավելի ինտենսիվ դառնա այնտեղ, որտեղ դրա կարիքն ամենից շատ կա՝ ֆինանսավորումից և մարդասիրական օգնությունից մինչև ռազմական աջակցություն և էներգետիկ անվտանգության ապահովում։ Հիմա թուլություն դրսևորելու ժամանակը չէ. ընդհակառակը՝ պետք է հաստատապես մերը պնդենք», - Մեցոլայի խոսքերն է մեջբերում «Ինտերֆաքս» գործակալությունը։
Ուստի, նրա խոսքով, Ուկրաինայի՝ ԵՄ-ին անդամակցելու գործընթացի շրջանակում օրերս բանակցային նոր կլաստերների բացումը դարձել է «կարևոր ազդակ»։ «Ես վստահեցրել եմ առաջնորդներին, որ Եվրախորհրդարանում այս հարցի շուրջ գոյություն ունի կայուն մեծամասնություն։ Դրա հետ մեկտեղ մենք պետք է ուժեղացնենք ճնշումը Ռուսաստանի վրա, մասնավորապես՝ առաջ շարժվելով հասցեական այցագրային սահմանափակումներ մտցնելու հարցում», - նշել է Եվախորհրդարանի ղեկավարը։
Մեցոլայի կարծիքով՝ ԵՄ-ում «արձագանքը Ռուսաստանի գործողություններին պետք է համապատասխանի Ուկրաինային աջակցելու հանձնառության մակարդակին»։

















































Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո