Հնարավոր չէ տունը տանիքից սկսել՝ այն կառուցվում է հիմքից
ՈւԵՖԱ Եվրոպա լիգայի լիգայի փուլի շրջանակում կայանալիք «Յագելոնիա» – «Արարատ-Արմենիա» հանդիպմանն ընդառաջ լեհական ակումբի գլխավոր մարզիչ Ադրիան Սեմյենեցը կիսվել է սպասումներով և անդրադարձել թիմի ներկայիս ճգնաժամին։
Լեհ մասնագետը չի խուսափել սուր անկյուններից՝ խոստովանելով, որ թիմը պաշտպանությունում լուրջ խնդիրներ ունի։
«Այսօր ես և՛ թիմին, և՛ ինձնից պահանջում եմ պատասխանատվություն կրել այն բանի համար, թե ինչպես ենք պաշտպանվում որպես մեկ ամբողջություն։ Ցավոք, ներկայումս մենք լավ չենք պաշտպանվում որպես թիմ, և սա է այն գլխավոր հարցը, որի վրա պետք է կենտրոնանանք իրավիճակը շտկելու, հավասարակշռությունը վերականգնելու և վստահություն ձեռք բերելու համար։ Մենք պետք է վերադառնանք հիմքերին։ Մեր նախապատրաստական շրջանի հիմքը սեփական դարպասն անառիկ պահելն էր. թեև սկզբում շատ գոլային պահեր չէինք ստեղծում, բայց հիանալի էինք գործում պաշտպանությունում։ Հիմա մեզ հարկավոր է ավելի մեծ կենտրոնացում, կարգապահություն, վճռականություն և ինտենսիվություն առանց գնդակի։
Երբ դու ունես անընդմեջ չորս պարտություն, մի՞թե պետք է խոսել ինչ-որ մեծ բաների՝ գեղեցիկ կոմբինացիաների, մեկ հպումով խաղի կամ տպավորիչ ֆուտբոլի մասին։ Այդ ամենին հասնում են առանձին խաղերում վստահություն կառուցելու և կարգապահության վրա հիմնված հիմքեր ստեղծելու միջոցով։ Հնարավոր չէ տունը տանիքից սկսել՝ այն կառուցվում է հիմքից։ Մենք պարզապես պետք է սկսենք պարզ բաներից. արա ճիշտ փոխանցում, մտիր խաղի մեջ, պահպանիր մարտավարական դասավորությունը, պայքարիր քո գոտում։ Այս պարզ քայլերը կվերադարձնեն մեր հավասարակշռությունն ու վստահությունը։
Որպես ակումբ՝ մենք պաշտոնական նամակ ենք հղել՝ խնդրելով պարզաբանել որոշ դրվագներում կայացված մրցավարական որոշումները։ Չեմ ուզում շատ խորանալ անցյալում կամ հետ նայել «Լեգիայի» դեմ խաղին, բայց վերջին հանդիպման դրվագներն իմ սուբյեկտիվ գնահատականով սխալ են գնահատվել, ինչը մեծապես ազդել է խաղի սցենարի վրա։ Սակայն սա չի նշանակում, թե ամեն ինչ իդեալական ենք արել։ Բացի մրցավարական բացթողումներից, կա մեր խաղի որակը, որը շտկելու կարիք ունի․ մենք վերջին խաղերում շատ ենք գոլեր ընդունում և շատ քիչ խփում։
Հանդիպումը կկայանա այսօր՝ հոկտեմբերի 15-ին, Երևանի ժամանակով 23։00-ին։
armsport.am

















































Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո