Միջազգային դատարանը կհրապարակի Մյանմայի դեմ վճռիը
ՄԱԿ-ի Արդարադատության միջազգային դատարանը հրապարակելու է Մյանմայի դեմ ներկայացված գործով երկար սպասված վճիռը, որով երկիրը մեղադրվում է ռոհինջա մահմեդական փոքրամասնության նկատմամբ ցեղասպանություն իրականացնելու մեջ։
Բանգլադեշում գտնվող շուրջ 1,2 միլիոն ռոհինջա փախստականներ, որոնք 2017 թվականից ապաստանել են Քոքս Բազար քաղաքի հսկայական փախստականների ճամբարում՝ Մյանմայում տեղի ունեցած լայնածավալ բռնություններից փրկվելու նպատակով, հետևել են դատական գործընթացին։
Գործը դատարան էր ներկայացրել Գամբիան՝ յոթ տարի առաջ։ Ակնկալվում է, որ դատարանի որոշումը կարող է հետևանքներ ունենալ ոչ միայն Մյանմայի, այլև միջազգային իրավունքի այլ գործերի համար, այդ թվում՝ Հարավաֆրիկյան Հանրապետության՝ 2023 թվականին Իսրայելի դեմ ներկայացրած հայցի, որով վերջինս մեղադրվում է Գազայի հատվածում ցեղասպանություն իրականացնելու մեջ։
Թե՛ Իսրայելը, թե՛ Մյանման հերքում են ցեղասպանության մեղադրանքները՝ պնդելով, որ իրենց զինված ուժերը օրինական պատասխան են տվել զինված խմբավորումների հարձակումներին։
Գամբիայի պնդմամբ՝ Մյանման պետական պատասխանատվություն է կրում ցեղասպանության համար։ Խոսքը ռազմական գործողության մասին է, որի հետևանքով առնվազն 730 հազար ռոհինջա մահմեդականներ ստիպված են եղել լքել հիմնականում բուդդայական բնակչություն ունեցող երկիրը։
Փրկվածները պատմել են սպանությունների, զանգվածային բռնաբարությունների և գյուղերի հրկիզման դեպքերի մասին։ ՄԱԿ-ի փաստահավաք առաքելությունն իր եզրակացության մեջ նշել է, որ ռազմական արշավը ներառել է «ցեղասպանության գործողություններ»։


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
Ոչ սթափ ղեկին մի նստի՛ր (տեսանյութ)
Հաղթենք դիաբետը միասին
Անվտանգության խորհրդի նիստում Պուտինը քննարկել է Աբու Դաբիում կայացած եռակողմ բանակցությունների արդյ...
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ