Հայաստանում կառուցապատման պատկերը՝ երեք եռամսյակի տվյալներով
2026 թվականի հունվար-սեպտեմբերին Հայաստանում իրականացվել է 583.8 մլրդ դրամի շինարարություն, ինչը նախորդ տարվա նույն ժամանակահատվածի համեմատ, 24.9 տոկոսով ավելի է։ Շինարարության ծավալով առաջատարը Երևանն է, իսկ աճի տեմպերով առանձնանում են Տավուշի, Արարատի և Կոտայքի մարզերը։
ՀՀ վիճակագրական կոմիտեի տվյալներով՝ ինը ամսում Երևանում իրականացվել է 260 մլրդ դրամի շինարարություն՝ հանրապետության ընդհանուր ծավալի 44.5 տոկոսը։ Կոտայքի մարզին բաժին է ընկել 95.6 մլրդ դրամ կամ ընդհանուրի 16.4 տոկոսը։ Աճի տեմպերով առաջին տեղում Տավուշն է, որտեղ շինարարության ծավալն ավելացել է 73.3 տոկոսով՝ հասնելով 26.7 մլրդ դրամի։ Արարատում աճը կազմել է 53.4 տոկոս, Կոտայքում՝ 48.8 տոկոս, իսկ Վայոց ձորում՝ 40.7 տոկոս։ Սյունիքում, հակառակը, գրանցվել է 7 տոկոս անկում։
Շինարարության ծավալների ավելի քան կեսը՝ 50.7 տոկոսը բաժին է ընկել անշարժ գույքին։ Հաջորդ խոշոր ուղղություններն են կրթական հաստատությունները (դպրոցներ, մանկապարտեզներ, ուսումնական հաստատություններ)՝ 74.4 մլրդ դրամ, և տրանսպորտն ու պահեստային տնտեսությունը՝ 49.6 մլրդ դրամ։
Բնակարանաշինության հիմնական կենտրոնը Երևանն է
Հունվար-սեպտեմբերին Հայաստանում շահագործման է հանձնվել 1 մլն 481 հազար քառակուսի մետր բնակելի շենք, ինչը նախորդ տարվա նույն ժամանակահատվածի համեմատ 34 տոկոսով ավելի է։
Դրանց 68.1 տոկոսը բաժին է ընկել Երևանին՝ ավելի քան 1 մլն քառակուսի մետր։ Կոտայքի մարզում շահագործման է հանձնվել 146.1 հազար, Արարատում՝ 128.3 հազար քառակուսի մետր բնակելի շենք։
Աճի տեմպերով առանձնանում են Արագածոտնի և Սյունիքի մարզերը, որտեղ բնակելի շենքերի ընդհանուր մակերեսն ավելացել է համապատասխանաբար 2.7 և 7.4 անգամ։ Սյունիքում, սակայն, շահագործման հանձնված բնակելի շենքերի մակերեսը կազմել է ընդամենը 3580 քառակուսի մետր։
Ո՞վ է ֆինանսավորում շինարարությունը
Շինարարության հիմնական ֆինանսավորումն ապահովում են կազմակերպություններն ու բնակչությունը։ Կազմակերպությունների միջոցներով իրականացվել է 292.8 մլրդ դրամի շինարարություն կամ ընդհանուրի 50.2 տոկոսը, բնակչության միջոցներով՝ 130.1 մլրդ դրամի կամ 22.3 տոկոսը։
Պետական բյուջեի միջոցների հաշվին իրականացվել է 125.2 մլրդ դրամի շինարարություն՝ ընդհանուրի 21.4 տոկոսը, իսկ համայնքների միջոցների մասնաբաժինը կազմել է 5.7 տոկոս։
Այսպիսով, շինարարության ծավալների աճին զուգահեռ Երևանը շարունակում է պահպանել առաջատար դիրքը, հատկապես բնակարանաշինության ոլորտում։ Մարզերում ևս աճ է գրանցվում, սակայն այն տարբեր է ինչպես ծավալներով, այնպես էլ աճի տեմպերով։
Top News


















































Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
ԵՄ-ն Ռուսաստանի դեմ նոր պատժամիջոցներ կսահմանի
ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Հաղթենք դիաբետը միասին
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Ոչ սթափ ղեկին մի նստի՛ր (տեսանյութ)
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...