Կատեստավորվեն նաև դպրոցների տնօրենները. գործընթացը չի կրի կամավոր բնույթ
Ազգային ժողով-Կառավարություն հարցուպատասխանի ընթացքում հնչած հարցին, այն է՝ կամավոր ատեստավորման գործընթաց նախատեսվո՞ւմ է արդյոք դպրոցների տնօրենների, վարչատնտեսական համակարգողների կամ ԿԳՄՍՆ ենթակայության տակ գտնվող այլ ՊՈԱԿ-ների տնօրենների համար, նախարար Ժաննա Անդրեասյանն արձագանքել է.
«Տնօրենների համար ատեստավորում լինելու է, բայց այն չի կրելու կամավոր բնույթ: Առանցքային է, որ դպրոցի կառավարման համար պատասխանատու անձնակազմը, այս պարագայում՝ տնօրենը և ադմինիստրատիվ կազմը նույնպես ատեստավորվեն, և այդ ատեստավորման համար հիմք ծառայեն դպրոցի կատարողական ցուցանիշները։ Նպատակն է, որ տնօրեններն ավելի կենտրոնացած լինեն ուսումնական հաստատությունների ցուցանիշների որակի և դրա արդյունքում ձևավորվող միջավայրի վրա և կարողանան պատասխանատվություն կրել արդյունքների համար: Եվ երբ արդյունքները կլինեն բավարար, վարձատրությունը նույնպես էապես կբարձրանա»:
Նա տեղեկացրել է, որ Կառավարությունն արդեն սահմանել է դպրոցների կատարողականի գնահատման կարգը, և լրացուցիչ գործիքներ են նախատեսվել բարձր կատարողական ունեցող դպրոցներին մրցութային եղանակով լրացուցիչ միջոցների տրամադրման և նորարարական ծրագրերի իրականացման նպատակով:
Նախարարի խոսքով՝ ԿԳՄՍ նախարարության համակարգմամբ աշխատող ՊՈԱԿ-ների գործունեության տիրույթը բավականին լայն է, և բոլոր ոլորտներում էլ ներդրված են համապատասխան մեխանիզմներ, որոնք միտված են մոտիվացիոն համակարգի բարձրացմանը և ֆինանսավորման նոր մոդելների կիրառմանը:


















































Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
ՊԵԿ-ը պարզաբանում է տարածել (տեսանյութ)
ԵՄ-ն Ռուսաստանի դեմ նոր պատժամիջոցներ կսահմանի
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Ոչ սթափ ղեկին մի նստի՛ր (տեսանյութ)
Հաղթենք դիաբետը միասին
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Բոլորը բարձր լռում էին, երբ մեզ համերաշխորեն սպանում էին. Ալեն Սիմոնյանը՝ ՀԱՊԿ-ում Հայաստանին ձայնի ...