2028 թվականի Եվրոպայի առաջնության ընտրական փուլի վիճակահանության զամբյուղները ձևավորվել են
Ազգերի լիգայի խմբային փուլի ավարտից հետո վերջնականապես ձևավորվել են 2028 թվականի Եվրոպայի առաջնության ընտրական փուլի վիճակահանության զամբյուղները։ Ըստ Football Meets Data վերլուծական հարթակի և բրիտանական The Independent-ի հրապարակած տվյալների՝ Հայաստանի ազգային հավաքականն ընդգրկվել է 4-րդ զամբյուղում։
Վիճակահանության արարողությունը կկայանա դեկտեմբերի 6-ին Հյուսիսային Իռլանդիայի մայրաքաղաք Բելֆաստի International Convention Centre-ում և կմեկնարկի Երևանի ժամանակով 21:00-ին։
Զամբյուղների ամբողջական կազմը
1-ին զամբյուղ. Բելգիա, Խորվաթիա, Դանիա, Անգլիա, Ֆրանսիա, Գերմանիա, Հունաստան, Իտալիա, Նիդերլանդներ, Նորվեգիա, Պորտուգալիա, Իսպանիա
2-րդ զամբյուղ. Ավստրիա, Բոսնիա և Հերցեգովինա, Չեխիա, Հունգարիա, Հյուսիսային Իռլանդիա, Իռլանդիա, Սերբիա, Սլովենիա, Շվեդիա, Շվեյցարիա, Թուրքիա, Ուելս
3-րդ զամբյուղ. Ալբանիա, Վրաստան, Իսլանդիա, Իսրայել, Կոսովո, Չեռնոգորիա, Հյուսիսային Մակեդոնիա, Լեհաստան, Ռումինիա, Շոտլանդիա, Սլովակիա, Ուկրաինա
4-րդ զամբյուղ. Հայաստան, Բելառուս, Բուլղարիա, Կիպրոս, Էստոնիա, Ֆարերյան կղզիներ, Ֆինլանդիա, Ղազախստան, Լատվիա, Լյուքսեմբուրգ, Մոլդովա, Սան Մարինո
5-րդ զամբյուղ. Անդորրա, Ադրբեջան, Ջիբրալթար, Լիխտենշտեյն, Լիտվա, Մալթա
Եվրո-2028-ի որակավորման փուլին կմասնակցի 54 հավաքական, որոնք կբաժանվեն 12 խմբի. 6 խմբում (A-F) ընդգրկված կլինի չորսական, իսկ մյուս 6-ում (G-L)՝ հինգական թիմ։
Եզրափակիչ փուլի ուղիղ ուղեգիր կնվաճեն խմբերի 12 հաղթողները, ինչպես նաև երկրորդ հորիզոնականը զբաղեցրած լավագույն 8 հավաքականները։ Երկրորդ տեղը գրաված մյուս 4 թիմերը պայքարը կշարունակեն փլեյ-օֆֆում (2028 թ. մարտին), որտեղ նրանց կմիանան Ազգերի լիգայի արդյունքներով լավագույն ցուցանիշ ունեցող հավաքականները։
Ընտրական փուլի հանդիպումները կանցկացվեն 2027 թվականի մարտից նոյեմբեր ընկած ժամանակահատվածում (5 թիմից բաղկացած խմբերը պայքարը կսկսեն մարտին կամ հունիսին, իսկ 4 թիմ ունեցող խմբերը՝ սեպտեմբերին)։
Եվրո-2028-ը համատեղ հյուրընկալելու են Անգլիան, Շոտլանդիան, Ուելսը և Իռլանդիան։ Տանտեր երկրների հավաքականները ևս մասնակցելու են ընտրական փուլին, սակայն ՈՒԵՖԱ-ն երկու պահեստային ուղեգիր է նախատեսել կազմակերպիչ երկրների համար, եթե նրանք չկարողանան հաղթահարել որակավորման արգելքը խմբային փուլի արդյունքներով։
armsport.am


















































Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Արհեստական բանականության օրեր 2026
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
ՕՌԱՆԺ ՕԻԼ ՍՊԸ-ին պատկանող լցակայանում արձանագրվել է թերլիցքավորման դեպք
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ԵՄ-ն Ռուսաստանի դեմ նոր պատժամիջոցներ կսահմանի
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն