Անշարժ գույքի շուկան Հայաստանում
Որտե՞ղ են ավելի շատ գործարքներ կատարվում
2026 թվականի երրորդ եռամսյակում Հայաստանում անշարժ գույքի առուվաճառքի 20 հազար 435 գործարք է գրանցվել։ Ինչը նախորդ տարվա նույն ժամանակահատվածի համեմատությամբ ավել է 35 տոկոսով։ Աճ է գրանցվել նաև բնակարանների առուվաճառքի դեպքում, ընդ որում՝ մարզերի շարքում ամենամեծ ավելացումը Կոտայքում է։
ՀՀ վիճակագրական կոմիտեի տվյալներով՝ 2025 թվականի երրորդ եռամսյակում անշարժ գույքի առուվաճառքի գործարքների թիվը 15 հազար 164 էր։ Այս տարվա երրորդ եռամսյակում այն հասել է 20 հազար 435-ի։ Գործարքների ամենամեծ թիվը գրանցվել է Երևանում՝ 7 հազար 483, իսկ Կոտայքի մարզում կատարվել է 4 հազար 743 գործարք։
Մարզերից Կոտայքում է գրանցվել նաև առուվաճառքի գործարքների ամենամեծ աճը։ Եթե 2025 թվականի երրորդ եռամսյակում այստեղ 3 հազար 22 գործարք էր կատարվել, ապա այս տարվա նույն ժամանակահատվածում՝ 4 հազար 743։ Աճը կազմել է շուրջ 57 տոկոս։
Բնակարանների առուվաճառքն աճել է
Երրորդ եռամսյակում Հայաստանում բազմաբնակարան շենքերի բնակարանների առուվաճառքի 7 հազար 603 գործարք է գրանցվել։ Նախորդ տարվա նույն ժամանակահատվածի համեմատ թիվն ավելացել է շուրջ 35 տոկոսով։
Բնակարանների առուվաճառքի գործարքների մեծ մասը կատարվել է Երևանում՝ 5 հազար 53։ Սա հանրապետությունում գրանցված նման գործարքների շուրջ երկու երրորդն է։ Երկրորդ տեղում կրկին Կոտայքի մարզն է՝ 1381 գործարքով, 2025 թվականի երրորդ եռամսյակի 725 գործարքի փոխարեն։ Այսպիսով աճը կազմել է շուրջ 91 տոկոս։
Բնակարանների առուվաճառքի աճ է գրանցվել նաև Արարատի, Շիրակի և Տավուշի մարզերում։ Միաժամանակ որոշ մարզերում՝ մասնավորապես Արմավիրում, Գեղարքունիքում և Սյունիքում, գործարքների թիվը նախորդ տարվա նույն ժամանակահատվածի համեմատ նվազել է։
2026 թվականի երրորդ եռամսյակում բնակարանների միջին շուկայական գներն աճել են Երևանի բոլոր վարչական շրջաններում, ընդ որում՝ առավել բարձր աճ գրանցվել է ոչ թե ամենաթանկ, այլ համեմատաբար մատչելի շրջաններում։ Օրինակ՝ Շենգավիթում մեկ քառակուսի մետրի միջին գինն աճել է շուրջ 30 տոկոսով, Նորք-Մարաշում՝ մոտ 30, Մալաթիա-Սեբաստիայում՝ շուրջ 29 տոկոսով։
Ամենաբարձր միջին գինը շարունակում է գրանցվել Կենտրոնում։ Այստեղ բնակարանի մեկ քառակուսի մետրի միջին շուկայական գինը կազմել է 993 հազար 100 դրամ՝ նախորդ տարվա նույն ժամանակահատվածի 887 հազար դրամի փոխարեն։
Երկրորդ տեղում Արաբկիրն է, որտեղ մեկ քառակուսի մետրի միջին գինը հասել է 731 հազար 100 դրամի՝ մեկ տարվա ընթացքում աճելով շուրջ 17 տոկոսով։ Դավթաշենում այն կազմել է 594 հազար 100 դրամ, իսկ Նորք-Մարաշում՝ 581 հազար 800 դրամ։ իսկ ամենացածրը Նուբարաշենում է՝ 292 հազար դրամ։
Այսպիսով, 2026 թվականի երրորդ եռամսյակում Հայաստանում ավելացել են ինչպես անշարժ գույքի ընդհանուր, այնպես էլ բնակարանների առուվաճառքի գործարքները։ Գործարքների թվով առաջատարը Երևանն է, իսկ մարզերի շարքում առավել մեծ աճ գրանցվել է Կոտայքում։ Միաժամանակ մայրաքաղաքի բոլոր վարչական շրջաններում բարձրացել են բնակարանների միջին շուկայական գները։
Top News


















































Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Արհեստական բանականության օրեր 2026
Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
ՕՌԱՆԺ ՕԻԼ ՍՊԸ-ին պատկանող լցակայանում արձանագրվել է թերլիցքավորման դեպք
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ԵՄ-ն Ռուսաստանի դեմ նոր պատժամիջոցներ կսահմանի
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն