Ապօրինի պահվող զենք-զինամթերքի կամավոր հանձնումներ
Զենք-զինամթերքի ապօրինի շրջանառության դեմ պայքարի շրջանակում ՆԳՆ ոստիկանության տարբեր ստորաբաժանումների ծառայողների բացատրական աշխատանքի արդյունքում բնակչության կողմից շարունակվում են ապօրինի պահվող զենք-զինամթերքի կամավոր հանձնումները։
Քրեական ոստիկանության Վայոց ձորի մարզի ծառայողների բացատրական աշխատանքի արդյունքում ՆԳՆ 112 օպերատիվ կառավարման կենտրոն զանգած քաղաքացին հայտնել է, որ զենք-զինամթերք է թողել Մալիշկա գյուղի վարչական տարածքում գտնվող աղբյուրի մոտ։ Քրեական ոստիկանները նշված վայրում հայտնաբերել են «ՏՕԶ» տեսակի ակոսափող հրացան, «ՌԳ» տեսակի 4 նռնակ՝ պայթուցիչներով, տարբեր տրամաչափի 297 փամփուշտ և ազդանշանային ատրճանակ։
Վայոց ձորի մարզի քրեական ոստիկանների բացատրական աշխատանքի արդյունքում ապօրինի պահվող զենք-զինամթերքը կամավոր հանձնելու հերթական դեպքը գրանցվել է նոյեմբերի 10-ին։
ՆԳՆ օպերատիվ կառավարման կենտրոն զանգած քաղաքացու նշած վայրում՝ Եղեգնաձոր քաղաքի վարչական տարածքում, քրեական ոստիկանները հայտնաբերել են «ԱԿ-74» տեսակի ինքնաձիգ, «Մակարով» տեսակի ատրճանակ, ընդհանուր 84 փամփուշտով լիցքավորված ինքնաձիգի 3 պահունակ, «ՌԳ» տեսակի 2 նռնակ և նռնակի պայթուցիչներ։
Ապօրինի պահվող զենք-զինամթերք կամավոր հանձնելու դեպք է գրանցվել նաև Համայնքային ոստիկանության Նոյեմբերյանի բաժնում։ Համայնքային ոստիկանների բացատրական աշխատանքի արդյունքում Բագրատաշեն բնակավայրի 12-րդ փողոցի տներից մեկի բնակչուհին ներկայացրել է «Ֆ-1» տեսակի նռնակ՝պայթուցիչով։
ՆԳՆ ոստիկանությունը հորդորում է քրեական պատասխանատվությունից խուսափելու համար կամավոր հանձնել ապօրինի պահվող զենք-զինամթերքը։


















































Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Արհեստական բանականության օրեր 2026
Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
ՕՌԱՆԺ ՕԻԼ ՍՊԸ-ին պատկանող լցակայանում արձանագրվել է թերլիցքավորման դեպք
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ԵՄ-ն Ռուսաստանի դեմ նոր պատժամիջոցներ կսահմանի
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն