Հայաստանի պատմության մեջ առաջին անգամ ներկայացվում է Սահմանադրության նախագիծ, որը չի գրվում անձերի համար. վարչապետ
«Շատ մեծ նորություն ունեմ բոլորիդ համար. Հայաստանի պատմության մեջ առաջին անգամ ներկայացվում է Սահմանադրության նախագիծ, որը չի գրվում անձերի համար։ Ոչ մի անձ նկատի առնված չէ այդ Սահմանադրության մեջ»։ Այդ մասին Կառավարության նիստից հետո լրագրողներին ասաց վարչապետ Նիկոլ Փաշինյանը։
Անդրադառնալով այն հարցին, որ նոր նախագծով նախատեսվում է լուծարել Անվտանգության խորհուրդը՝ Փաշինյանը նշեց. «Անվտանգության խորհուրդը նախագահական, կիսանախագահական համակարգերին բնորոշ կառույց է, երբ նախագահը գերագույն հրամանատարն է, պաշտպանության նախարարը, ներքին գործերի նախարարը, ուժային կառույցների ղեկավարները, արտաքին գործերի նախարարը նշանակվում են վարչապետի ներկայացմամբ, բայց իրենք ուղիղ ենթարկվում են նախագահին, Կառավարության անդամ են, և Անվտանգության խորհուրդն այդ ճեղքը լրացնելու համար է։
Կառավարման խորհրդարանական համակարգում այդպիսի խնդիր չկա, որովհետև, ըստ էության, կառավարությունն ինքը Անվտանգության խորհուրդ է, ամեն ինչի խորհուրդ է, և, հետևաբար, մարմնի գոյության իմաստը պարզապես չկա, որովհետև, իհարկե, Կառավարությունում կարող է լինել, այդպիսի պրակտիկա կա՝ անվտանգության գծով խորհրդականի ինստիտուտ կա, բայց ես վստահ չեմ. այն էլ ԱՄՆ-ի մաքուր նախագահական համակարգի մաս է, բայց իմ ընկալումն այն է, որ գործնական աշխատանքի մեջ ճեղքը տեսնում եմ։ Շատ հարցեր կան, որ մենք օրենսդրության բերումով Անվտանգության խորհրդում ենք քննարկում, բայց ես, օրինակ, կարծում եմ, որ կառավարության ֆորմատով այդ հարցերը քննարկելն ավելի արդյունավետ կլինի։
Կա նաև այսպիսի մի առանձնահատկություն. բոլոր որոշումները (գուցե որոշումներ կան, որոնց դեպքում այդպես չէ), որոնք Անվտանգության խորհուրդը կայացնում է, հետո գալիս են Կառավարություն և հաստատվում։ Այսինքն՝ հին՝ կիսանախագահական համակարգում հենց դրա համար է Անվտանգության խորհուրդը, որ Կառավարությունը չասի՝ «Մի րոպե, այս ի՞նչ որոշում է, այս ո՞վ է բերել»։ Այսինքն՝ նախագահի և Կառավարության միջև ճեղքը լրացնելու համար է։ Նոր համակարգում այդպիսի բանի անհրաժեշտություն չկա, որովհետև, էլի, ԱԽ-ի բոլոր անդամները գործադիրի անդամներ են։ ԱԽ-ում չկա գործադիրից դուրս անդամ»։


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
Ոչ սթափ ղեկին մի նստի՛ր (տեսանյութ)
Հաղթենք դիաբետը միասին
Անվտանգության խորհրդի նիստում Պուտինը քննարկել է Աբու Դաբիում կայացած եռակողմ բանակցությունների արդյ...
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ