Ավագանին ներկա կոնֆիգուրացիայով չի կարողանում արդյունավետ աշխատել. Մարությանն առաջարկում է նոր ընտրությունների գնալ
Ցավոք սրտի, մեր վատատեսական կանխատեսումներն իրականանում են Երեւանի ավագանին ներկա կոնֆիգուրացիայով չի կարողանում արդյունավետ աշխատել։ Այս մասին ֆեյսբուքյան իր էջում գրել է Երևանի նախկին քաղաքապետ, ավագանու անդամ Հայկ Մարությանը:
«Սիրելի երեւանցիներ, հիշում եք, որ ընտրություններից հետո առաջարկում էինք նոր ընտրության գնալ՝ Երեւանում նորմալ կառավարում ապահովելու նպատակով։ ՔՊ-ականներն ու իրենց արբանյակները, ինչպես նաեւ որոշ ընդիմադիրներ հրաժարվեցին այս ճանապարհից։ Հիմա տեսնում ենք, որ երկու ամիս անց քաղաքային իշխանությունն ամենատարրական որոշումները չի կարողանում ընդունել, իսկ ավագանու նիստերը քաղաքակիրթ բանավեճի փոխարեն վերածվել են ամենագռեհիկ հայհոյախոսությունների հարթակի:
Սա, ինչպես ասացի, սպասելի էր, որովհետեւ ՉԻ՛ ԿԱՐՈՂ ՓՈՔՐԱՄԱՍՆՈՒԹՅԱՆ ԻՇԽԱՆՈՒԹՅՈՒՆՆ ԱՐԴՅՈՒՆԱՎԵՏ ԿԱՌԱՎԱՐԵԼ (հիշեցնում եմ՝ ավագանու 65 անդամներից ընդամենը 32-ն են իշխանության ներկայացուցիչ` այսինքն, փոքրամասնությունը): Նրանք չունեն ո՛չ ֆորմալ, ո՛չ փաստացի լեգիտիմություն, ու այս պայմաններում խնդիրները գնալով ավելի ակնառու են դառնալու եւ ի վերջո, վնասելու են մեր քաղաքին։
Հետեւաբար, առաջարկս ուժի մեջ է՝ գնալ քաղաքային նոր ընտրությունների եւ կայուն իշխանություն ձեւավորել՝ հանուն մեր քաղաքի բնականոն զարգացման։
Հ․ Գ․ Մեր քննադատները սեպտեմբերին ասում էին, թե նոր ընտրության գնալու առաջարկը ընդունելի չէ, իբր «ստեղծված պայմաններում ավելորդ ծախսեր չանելու համար»: Սա առնվազն ծիծաղելի պատճառաբանություն է, հաշվի առնելով, որ ՔՊ-ն «ստեղծված պայմաններում» մսխում է բյուջեի փողերը՝ ճոխ յուբկաներով երդմնակալությունների, չկայացած սնուփդոգյան համերգների, ամանորյա և այլ տոնակատարությունների վրա»։
Երրորդ համաշխարհային պատերազմը սկսվեց. Զալուժնի
Արգիշտի Քյարամյանը՝ ՊՎԾ պետ. Նիկոլ Փաշինյանը որոշում ունի
Կրակոց՝ նաև ՆԳ նախարարի հրաժարականից հետո
Անդրեասյանը գիշերը հաղորդագրություններ է ուղարկել մի շարք դատավորների
Սա տգիտությունից բացի նաև ստորություն է. Լեւոն Քոչարյանը՝ Փաշինյանի աղմկահարուց հայտարարության մասին
Ուկրաինան առաջին անգամ ՌԴ տարածքին հարվածել է ATACMS բալիստիկ հրթիռներով
Պաշտոնանկության երկրորդ ալիքն էլ է լինելու. հաջորդը ովքե՞ր են SMS ստանալու
Բա ես ու իմ կարգավիճակի մարդիկ ի՞նչ անեն․ Սոֆյա Հովսեփյան
Գեներալ Կարակաևը Պուտինի հետ խորհրդակցությունում. ռուսական «Орешник»-ն ի վիճակի է թիրախներ խոցել ամբ...
Ազգերի լիգա. հայտնի է Հայաստանի հավաքականի մրցակիցների վերջնական ցանկը