Ողբերգական դեպք Արգենտինայում
Արգենտինական «Էսեյսա» ակումբի երիտասարդական թիմի 18-ամյա ֆուտբոլիստ Աբել Նունյեսը հիվանդանոցում մահացել է՝ հանդիպման ընթացքում գլխին գնդակի հարված ստանալուց հետո։ Այս մասին հայտնել են ակումբի մամուլի ծառայությունը և Արգենտինայի ֆուտբոլի ասոցիացիայի (AFA) նախագահ Կլաուդիո Տապիան։
Ինչպես տեղեկացնում է TyC Sports-ը, ողբերգական դեպքը տեղի է ունեցել հինգշաբթի՝ նոյեմբերի 12-ին, AFA-ի հովանու ներքո անցկացվող երիտասարդական առաջնության 5-րդ դիվիզիոնի «Էսեյսա» – «Դեպորտիվո Մունյիս» հանդիպման ժամանակ։ Խաղադաշտում գնդակի ուժգին հարվածից հետո բժիշկներն առաջին օգնություն են ցուցաբերել պատանի ֆուտբոլիստին, ապա նրան շտապ տեղափոխել են բժշկական կենտրոն։ Նունյեսին վիրահատել են, սակայն նրա վիճակը շարունակել է ծանր մնալ, և կիրակի՝ նոյեմբերի 15-ին, 18-ամյա խաղացողը մահացել է։
«Խոր վշտով սգում ենք «Էսեյսայի» երիտասարդական թիմի ֆուտբոլիստ Աբել Նունյեսի կորուստը։ Այս ծանր պահին ցանկանում եմ անկեղծ ցավակցությունս ու զորակցությունս հայտնել նրա ընտանիքին, ընկերներին և հարազատներին։ Հանգչի՛ր խաղաղությամբ, Աբե՛լ»,- X սոցիալական ցանցում գրել է Կլաուդիո Տապիան։
«Էսեյսան» իր հերթին ցավակցություն է հայտնել Նունյեսի ընտանիքին, հարազատներին, ընկերներին և թիմակիցներին։ Ակումբի տարածած հաղորդագրության մեջ ընդգծվում է, որ Աբելը թիմի կարևոր մասնիկն էր և ընդմիշտ կմնա բոլորի հիշողության մեջ։
Ակումբի ղեկավարությունը նաև հայտնել է, որ այս դժվարին պահին կանգնած է ֆուտբոլիստի ընտանիքի կողքին և պատրաստ է ամեն հարցում աջակցել նրանց։

















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Օլիմպիական խաղերի հնգակի և աշխարհի բազմակի չեմպիոնը կպայքարի Ֆրանսիայի նախագահի պաշտոնի համար
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Նիկոլ Փաշինյանը հանդիպում է ունեցել Կոսովոյի վարչապետի հետ
Հրազդանի կիրճը մաքրվում է տասնամյակներով կուտակված աղբից (տեսանյութ)
Գևորգ Ղազարյանը հատուկ տեսաուղերձով դիմել է ֆուտբոլային հանրությանն ու հանդես եկել հայտարարությամբ (...