Հնարավոր կոալիցիայի մասին վերջնական որոշման դեպքում «Մայր Հայաստան» դաշինքի առաջնորդը հանդես կգա հայտարարությամբ․ Մանուկ Սուքիասյան
Հնարավոր կոալիցիայի մասին վերջնական որոշման դեպքում «Մայր Հայաստան» դաշինքի առաջնորդ Անդրանիկ Թևանյանն անպայման հանդես կգա հայտարարությամբ։
Այս մասին Tert.am-ի հետ զրույցում հայտնեց «Մայր Հայաստան» դաշինքի անդամ, նախընտրական ցուցակում երրորդ համար Մանուկ Սուքիասյանը։
«Շուտով հրապարակային տեսակետ կունենանք, դետալների վերաբերյալ ոչինչ չեմ կարող ասել»,- նշեց նա։
Նշենք, որ «Հանրային ձայն» կուսակցության ղեկավարը հայտարարել է, որ իրենք պատրաստ են կոալիցիա կազմել «Ազգային առաջընթաց» կուսակցությունը գլխավորող Հայկ Մարությանի և «Մայր Հայաստան» դաշինքը գլխավորող Անդրանիկ Թևանյանի հետ։
Այս պահին դեռ ո՛չ «Մայր Հայաստան» դաշինքից, ո՛չ «Ազգային առաջընթաց» կուսակցությունից պաշտոնական պատասխան չկա։
Հարցի վերաբերյալ «Ազգային առաջընթաց» կուսակցությունից մեկնաբանություն ստանալ չհաջողվեց, մեր զանգերն անպատասխան մնացին։
Հիշեցնենք, որ Կենտրոնական ընտրական հանձնաժողովն ավարտել է Երևանի ավագանու ընտրությունների ձայների էլեկտրոնային հաշվարկը։ Բոլոր 475 ընտրատեղամասերի արդյունքներն ամփոփվել են, ըստ որի, նախնական տվյալներով Երևանի ավագանի են անցնում 5 քաղաքական ուժեր՝ «Քաղաքացիական պայմանագիրը»․ «Ազգային առաջընթացը», «Մայր Հայաստան» դաշինքը, «Հանրապետությունը» և «Հանրային ձայնը»:
Մանե Թանդիլյանի գլխավորած «Ապրելու երկիր» կուսակցությունը չի հաղթահարել 4 տոկոսի շեմը: Ըստ նախնական տվյալների Երևանի ավագանու մանդատները բաշխվում են հետեւյալ կերպ՝ ՔՊ – 24 մանդատ, «Ազգային առաջընթաց»՝ 14 մանդատ, «Մայր Հայաստան» դաշինք՝ 12 մանդատ, «Հանրապետություն» 8 մանդատ, իսկ «Հանրային ձայն»-ը՝ 7 մանդատ։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Գևորգ Ղազարյանը հատուկ տեսաուղերձով դիմել է ֆուտբոլային հանրությանն ու հանդես եկել հայտարարությամբ (...
Գերմանիան արգելել է չինական մեքենաների մուտքը ռազմական օբյեկտներ
Ընդդիմադիր ուժերի համախմբումը և քաղաքական սերնդափոխության անհրաժեշտությունը
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
13-ամյա աղջիկը ընկել է դպրոցի պատուհանից
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը