Սա շատ վտանգավոր նախադեպ է. Պարգև Օհանյանը՝ ՍԴ չդիմելու մասին

Սահմանադրական փոփոխությունների մասին օրինագիծն առաջին ընթերցմամբ ընդունելուց հետո եզրակացություն ստանալու համար ՍԴ դիմելն Սահմանադրության իմպերատիվ պահանջն է։ Այդ մասին «Փաստինֆո»-ի եթերում հայտարարել է նախկին դատավոր, փաստաբան Պարգեւ Օհանյանը։

Նա նկատել է, որ գուցե տրամաբանական չէ դիմել այն մարմնին, որի վերաբերյալ փոփոխություն ես կատարում, ում որոշումը պետք է վերաբերի իրեն, բայց դա պետք է լինի բացառություն։ «Մոտիվացիան, որ չեն դիմում ՍԴ, որովհետև դեմ են քվեարկել, շատ վտանգավոր է,- նշել է Պ.Օհանյանը։

Ավելին՝ նա ընդգծեց , որ նախ և առաջ այդտեղ քվեարկություն չի պահանջվում, այսինքն՝ օրենքի նախագիծն առաջին ընթերցմամբ բավարար ձայներով ընդունվելու դեպքում պետք է դիմել ՍԴ՝ Սահմանադրության իմպերիատիվ պահանջով։

Օհանյանն ընդգծեց, որ սա շատ վտանգավոր նախադեպ է։

«Դառնա այպիսի նախադեպ և հետագայում արվեն փոփոխություններ և կրկին չդիմեն, որովհետև քվեարկել են, որ չդիմեն։ Դա օրենքի կոպիտ խախտում է, իրավունքների կոպիտ ոտնահարում է։ Օրենքի պահանջն է դիմել ՍԴ»,- ասաց Օհանյանը։

Մանրամասները՝ տեսանյութում։