Մեզ հարկավոր է նոր Սահմանադրություն. Նիկոլ Փաշինյան
ՀՀ քաղաքացին պետք է իրենը համարի Սահմանադրությունը։ Այս մասին այսօր՝ հունիսի 15-ին, Սահմանադրական բարեփոխումների մասնագիտական հանձնաժողովի նիստի ժամանակ նշել է ՀՀ վարչապետ Նիկոլ Փաշինյանը:
«Արդեն բավական երկար ժամանակ գործում է հանձնաժողովը եւ պետք է անկեղծ ասեմ, որ ես այն մարդկանցից եմ, ով չի կարծում, որ երկրի Սահմանադրությունը պետք է հաճախակի փոփոխությունների ենթարկվի: Բայց պետք է նաեւ ասեմ, որ հատկապես այս շրջանում եկել եմ այն համոզման, որ մեզ ոչ միայն պետք է իրականացնել սահմանադրական փոփոխություններ, այլ մեզ հարկավոր է դե յուրե նոր Սահմանադրություն ընդունել»,-ասաց Փաշինյանը:
Նրա խոսքով, սովորաբար Սահմանադրության մեջ փոփոխություններն արվում են քաղաքական նպատակահարմարություններով. «Մենք այդպիսի փորձ ունենք եւ նման քաղաքական նպատակահարմարությունների մեջ շատ մեծ դեր է կատարում կոնկրետ տեքստերը, կառուցակարգերը, կոնկրետ անձանց, անձանց շրջանակի համապատասխանեցնելը: Այս առումով ես կարծում եմ, որ գուցե այս ընկալումն է, որ մեզ բերել է որոշակի խնդիրների: Բայց հիմա ես եկել եմ այն համոզման, որ ոչ թե անհրաժեշտություն կա Սահմանադրություն փոխելու, այլ կա պետական անհրաժեշտություն նոր Սահմանադրություն ընդունելու:
Երբ նաեւ վարչապետի կարգավիճակով շատ պրոբլեմների մեջ խորամուխ եմ լինում, արձանագրում եմ մի իրողություն, որ մեր երկրում չկա օրգանական կապ պետական կարգի եւ քաղաքացու կամքի միջեւ: Կարծում եմ՝ կարեւոր պատճառներից մեկն այն է, որ Երրորդ հանրապետության պատմության մեջ մենք չենք ունեցել այնպիսի Սահմանադրության կամ սահմանադրական փոփոխություն, որը քաղաքացին իրեն մասնակից համարի այդ պրոցեսի, այդ տեքստի ու պետական կարգի ձեւավորմանը»,-ասաց Փաշինյանը:
Նա հիշեցրեց, որ ԽՍՀՄ ժամանակ կար ստալինյան Սահմանադրություն, բրեժնեւյան Սահմանադրություն, եւ հիմա այդ իներցիայով Հայաստանում ամեն անգամ ահմանադրությունների տեքստերը կապվել են անձերի, քաղաքական խմբերի, ապագայի հետ կապված իրենց խմբային պատկերացումների հետ. «Այսօր ունենք հնարավորություն այս շղթան կտրել»:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է