Ես չեմ նկատել, որ ՍԴ-ն որեւէ գործում շտապողականություն ցուցաբերի. Էդգար Ղազարյանը՝ Քոչարյանի գործի մասին (տեսանյութ)
ՍԴ-ում որեւէ ֆունկցիոնալ խնդիր սահմանադրական առաքելության իրականացման ընթացքում չի եղել: Այս մասին այսօր՝ հունիսի 9-ին, Ազգային ժողովում լրագրողների հետ զրույցում ասաց Սահմանադրական դատարանի աշխատակազմի ղեկավար Էդգար Ղազարյանը:
«Եթե որեւէ մեկը խոսում է առհասարակ որեւէ ճգնաժամի մասին, այդ թվում ՍԴ-ում թվացյալ ճգնաժամի մասին, պարտավոր է պատասխանել երկու հարցը՝ երբ է առաջացել այդ ճգնաժամը եւ ինչպես է դա դրսեւորվում: Եթե որեւէ մեկը փորձի այս երկու հարցին պատասխանել, կգա այն մտքին, որ ՍԴ-ում ճգնաժամ չկա եւ չի եղել:
ՍԴ դատավորներն ընտրվել են օրինական ճանապարհով, այդ թվում ՍԴ նախագահ Հրայր Թովմասյանը: Դրա օրինականությունը ոչ մի կերպ չի կարող տրամաբանական վիճարկման առարկա դառնալ»,-ասաց նա:
Անդրադառնալով Ռոբերտ Քոչարյանի գործին, նա ասաց. «Ռոբերտ Քոչարյանը մի քանի դիմում ունի ՍԴ-ում եւ յուրաքանչյուր դիմում ունի իր քննության կարգն ու ժամկետները:
ՍԴ-ն կոնկրետ երկու գործով կասեցրել է դիմումի քննությունը եւ դիմել ՄԻԵԴ եւ Վենետիկի հանձնաժողով: Ենթադրվում է, որ երբ այդ կառույցներից կստացվեն խորհրդատվական կարծիքները, այդ ժամանակ ՍԴ-ի տիրույթում է հարցը քննարկել եւ նորից վերսկսել գործի քննությունը: Ես չեմ նկատել, որ ՍԴ-ն որեւէ գործում շտապողականություն ցուցաբերի: ՍԴ-ի համար շատ կարեւոր է գործի հանգամանքների լիարժեք ուսումնասիրությունը եւ օբյեկտիվ որոշումների կայացումը»:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է