Նիկոլ Փաշինյանն իրեն հակադրել է ժողովրդի հետ, նա պետք է հեռանա․ Պարույր Հայրիկյան (տեսանյութ)

Ժողովրդի կողմից իշխանության նկատմամբ անվստահություն առաջանում է իշխանակիրների հակասական դրսևորումներից ու հայտարարություններից։ Մի դեպքում ասում են, որ կորոնավիրուսը վտանգավոր չէ, հետո պնդում հակառակը, որն էլ հանգեցնում է անվստահության։ Այս մասին Արմնյուզ ՀԸ Անժելա Թովմասյանի՝ «Հայելու առաջ» հեղինակային հաղորդման ժամանակ ասել է «ԱԻՄ» առաջնորդ Պարույր Հայրիկյանը։

Ըստ Հայրիկյանի՝ իշխանությունը պատկանում է ժողովրդին և, եթե անգամ իշխանության ճյուղերից որևէ մեկը ժողովրդի ներդաշնակ չէ, այն պետք է հեռանա․ «Միակ անքննելին ժողովուրդն է, մյուսները քննելի են ու սխալները պետք է հեռանան»։

Դիտարկմանը՝ իշխանությունը միշտ գտնում է մեղավորների՝ նախկիններն են, դատաիրավական համակարգն է, գուցե այսօր էլ ժողովուրդն է, Պարույր Հայրիկյանը պատասխանել է․ «Իհարկե, նախկիններն են մեղավոր, ովքեր տվեն են այս Սահմանադրությունն ու ընտրական օրենսգիրքը, որով ձևավորվել է այս «խուժան» իշխանությունը։ Բայց չի կարելի որևէ պարագայում մեղադրել ժողովրդին»։

Հարցին՝ ի՞նչ կետի է այսօր հասել ՀՀ վարչապետ Նիկոլ Փաշինյանը, ԱԻՄ առաջնորդը պատասխանել է․ «Նիկոլ Փաշինյանը ժողովրդի վստահությունը կերցնելով ու հիասթափվածների արձանագրմամբ հասել է մի կետի, որ պետք է խոստովանի՝ ինքն իրեն չի արդարացրել»։

Անդրադառնալով հարցին՝ ինչն է իշխանությանը խանգարում ընդունել սխալներն ու ընդառա գնալ այն մարդկանց, ովքեր այս օրերին օգնության ձեռք են մեկնում, Պարույր Հայրիկյանը նշել է․ «Եթե մարդիկ օգնության ձեռք էին մեկնում՝ պաշտոն ստանալու նպատակով, այս դեպքում Նիկոլ Փաշինյանը կասկածելու իրավունք ունի։ Երբ օգնության ձեռք է մեկնում ճանապարհ անցած քաղաքական ուժը՝ ԱԻՄ-ը, ու վարչապետն այս դեպքում էլ է արհամարհում, դու սկսում ես խիստ գնահատականներ հնչեցնել»։

Պարույր Հայրիկյանը նշել է, որ ինքն էլ այսօր չի հասկանում՝ ինչու՞ է Փաշինյանը համատարած մերժում ճանապարհ անցած ու փորձ կուտակած բոլոր նախկին պաշտոնյաների օգնությունը։

Խոսելով Նիկոլ Փաշինյանի կորոնավիրուսով վարակվելու ու մեկ շաբաթում ապաքինվելու մասին, ինչպես նաև՝ ինչու՞ հասարակության մի զանգված չէր հավատում, որ վարչապետն ու իր ընտանիքը վարակվել են կորոնավիրուսով, Պարույր Հայրիկյանը նշել է․ «Փաշինյանին չհավատալու պատճառն այն է, որ այս մարդը հայ պատմության մեջ ամենաշատ սուտ հայտարարություն անողն է։ Չհավատացողներին մեղադրել չեմ կարող, բայց չի լինում հասկանալ՝ ինչպե՞ս եղավ, որ ինչ-որ չափով անմեղսունակ գործողություններով աչքի ընկնող մարդն այսքան արագ ապաքինվեց»։

Պարույր Հայրիկյանը հորդորեց շատ չքննարկել այս հարցը․ «Նիկոլ Փաշինյանն ասում է՝ ժողովու՛րդ, ես լավն եմ, դու վատն ես։ Մարդ, ով իրեն հակադրել է ժողովրդի հետ, պետք է հեռանա։ Նիկոլ Փաշինյանը պետք է հեռանա»։