Եղել են որոշ դրվագներ, որ հերքվել են. Տիգրան Կարապետյանը՝ Ապրիլյան պատերազմի միֆերի մասին (տեսանյութ)
Ապրիլյան քննիչ հանձնաժողովին հաջողվել է հիմնական դրվագներով ստանալ Գլխավոր շտաբի նախկին պետ Յուրի Խաչատուրովին տրվելիք հարցերի պատասխանները, բայց որոշակի խնդիրներ առաջացել են։ Այս մասին այսօր՝ հունիսի 5-ին, մի քանի լրագրողների հետ զրույցում ասա ԱԺ «Իմ քայլը» խմբակցության պատգամավոր Տիգրան Կարապետյանը։
«Թիվ 1 զինվորականը ինքը պետք է պատասխաներ տարաբնույթ հարցերի։ Որոշակի խնդիրներ կան, փորձում ենք մեր ձեռքի տակ եղած նյութերով եւ ըստ այն մարդկանց, որոնց մենք լսել ենք, ստանանք պատկերն առանց Յուրի Խաչատուրովի։ Ամեն դեպքում, Յուրի Խաչատուրովի համար էլ կարեւոր էր իր ներկայանալը, որովհետեւ իր անձի հետ կապված բազմաթիվ հարցեր են հասարակության մեջ այս տարիներին հնչել»,- ասաց պատգամավորը։
Անդրադառնալով լրագրողների դիտարկմանը, որ այդ հարցերից մեկն էլ առնչվում էր ապրիլյանի ժամանակ նրա գտնվելու վայրին ու զբաղմունքին՝ նրա բիլիարդ խաղալու մասին, պատգամավորն արձագանքեց, որ տարբեր աղբյուրներից այդ հարցի պատասխանը ստացել են։
«Ստացել ենք տարբեր աղբյուրներից, մարդկանցից, որոնք գտնվել են այդ ժամանակ կառավարման կենտրոնում, գոնե այդ հարցի պատասխանը մենք ստացել ենք։ Հանձաժողովը մի շարք հարցեր է պարզել, որոնք հասարակության մեջ ակտիվ քննարկվում էին․ եղել են հարցեր, որոնք հերքվել են, եղել են նաեւ նոր հարցեր, որոնք երբեւէ քննության առարկա չեն եղել, հասարակության մեջ չեն քննարկվել, մենք առաջ ենք քաշել, ստացել պատասխանները։ Նորից կրկնում եմ՝ եթե հարցնեք՝ ընդհանուր եղել են թերություններ, բացթողումներ, միանշանակ եղել են։ Եղե՞լ են միֆեր, որ տարիներ շարունակ հասարակության մեջ շրջանառվել են բայց իրականությանը չեն համապատասխանել, գոնե մեր լիազորությունների շրջանակում, ինչքան մեզ թույլ է տվել օրենքը պարզելու համար, այո, եղել են որոշ դրվագներ, որ հերքվել են»,- ասաց նա՝ չհամաձայնելով, որ այդ դրվագներից որեւէ մեկով վնասվել է մեր բանակի պատիվն ու արժանապատվությունը։
Հարցին՝ արդյոք անդրադարձ եղել է շրջանառվող մյուս թեմային,ըստ որի հրամանատարները զինվորներին թույլ չեն տվել առաջ գնալ, պատգամավորը պատասխանեց, որ այդ հարցը նույնպես կարձանագրվի զեկույցի մեջ․«Ուսումնասիրել ենք, հնարավորություն ունեցել ենք լսել մարդկանց, ուսումնասիրել փաստաթղթեր եւ հարցի պատասխանը մեր լիազորությունների շրջանակում փորձել ենք տալ»։
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է