Քաղաքական հարցերը լուծելու համար գործող իշխանությունն ընտրել է քրեական գործիքակազմը. Միհրան Պողոսյան (տեսանյութ)
Միքայել Մինասյանը մեղադրվում է մեկ բանում, որ հանդիսանում է գործող իշխանության ընդդիմախոսը։ Այս մասին այսօր «Պրեսսինգ» հաղորդաշարի եթերում ասաց Սուրբ Աթոռում ՀՀ նախկին դեսպան Միքայել Մինասյանի փաստաբան Միհրան Պողոսյանը։
«Քաղաքական հարցերը լուծելու համար գործող իշխանությունն ընտրել է քրեական գործիքակազմը, որի ընթացքում Միքայել Մինասյանը որպես մեղադրյալ է ներգրավվել անհեթեթ մեղադրանքներով, ինչի մասին բազմիցս ենք նշել»,- ասաց պաշտպանը։
Հիշեցնենք, որ Վերաքննիչ քրեական դատարանը՝ նախագահությամբ դատավոր Սերգեյ Մարաբյանի, վերացրել է Սուրբ Աթոռում ՀՀ նախկին դեսպան Միքայել Մինասյանին կալանավորելու վերաբերյալ Երևան քաղաքի առաջին ատյանի ընդհանուր իրավասության դատարանի դատավոր Արտուշ Գաբրիելյանի որոշումը։
Միհրան Պողոսյանի տեղեկացմամբ՝ Միքայել Մինասյանը որպես մեղադրյալ է ներգարվվել ապօրինի հարստանալու համար։
«Ապօրինի հարստանալ ասելով՝ վարույթն իրականացնող մարմինը՝ Դատախազությունը, ի նկատի է ունեցել, որ Միքայել Մինասյանն ավելացրել է իր գույքը կամ պակասեցրել է իր պարտավորությունները, այսինքն, նյութական առավելություն է ստացել, ինչը ողջամտորեն չի հիմնավորվում իր օրինական եկամուտներով։ Բանից պարզվեց, որ խոսքը միմիայն այն մասին է, որ Միքայել Մինասյանի հայտարարագրում առկա է իր ստացած եկամուտներից ավելի նշված գումարի չափ։ Այսինքն, զուտ գույքը, որն իբր ավելացրել էր Միքայել Մինասյանը, օբյեկտիվ իրականության մեջ գոյություն չուներ»,- նշեց նա։
Պաշտպանի խոսքով՝ վարույթն իրականացնող մարմինը չի կարող մատնանշել՝ կոնկրետ այս կամ այն գույքի մասին է խոսքը։ Ըստ նրա՝ մեղադրանքի հիմքը հանդիսացել է միմիայն այն, որ հայտարարագրում նշված է եղել ֆիզիկապես այդ թիվը։
«Մենք ամբողջ այս երկու ամսվա ընթացքում պնդում էինք, խնդրում էինք՝ ցույց տվեք նշված գումարից մեկ դրամը ո՞ր ուղղությամբ է գնացել, կամ որտեղի՞ց է եկել, քար լռություն՝ և՛ քննչական մարմնում, և՛ դատախազությունում, և՛ դատարանում։ Չկար հանցագործության առարկան, օբյեկտը, որ գույքը ավելացրել է։ Մենք նույն հաջողությամբ պնդում էինք, որ օրինակ սխալմունքի արդյունքում գրված լիներ՝ 3 տրիլիոն դոլար մուտք է ունեցել Միքայել Մինասյանը, դրա համար էիք մեղադրանք առաջադրելո՞ւ։ Եվ այս սա հիմք էր տվել՝ որպես մեղադրյալ ներգարվելու համար»,- ասաց նա։
Միհրան Պողոսյանը նշեց, որ հենց այս մեղադրանքով վարույթն իրականացնող մարմինը միջնորդություն էր ներկայացրել դատարանին՝ կալանավորումը որպես խափանման միջոց կիրառելու հիմքով։
«Մենք դատարանում նշեցինք, որ կա անձնավորություն, ում հետ կնքված և վճարված պայմանագրի արդյունքում Միքայել Մինասյանը հանձնարարել է իր հայտարարագիրը լրացնել։ Մի հատ հարցաքննեք այդ անձնավորությանը, տեսեք՝ ինչ բացատրություն է տալիս, ինչու է ավելի գումար նշել, որին չի տիրապետում Միքայել Մինասյանը։ Կրկին՝ քար լռություն։ Քննչական մարմինն այդպես էլ չհարցաքննեց և դատարան չներկայացրեց այդ անձի ցուցմունքը»,- հայտնեց փաստաբանը։
Գործի դատական քննության ընթացքում, պաշտպանի խոսքով՝ Միքայել Մինասյանին առաջադրված մեղադրանքը լրացվել էր։ Նախկին դեսպանը կրկին մեղադրվում է ապօրինի հարստանալու, ինչպես նաև փողերի լվացման մեջ։
«Երկրորդ աբսուրդը ներկայացնեմ։ Միքայել Մինասյանը հայտարարագրած, իր օրինական եկամուտները մի գրպանից՝ կանխիկ վիճակից, տեղափոխել է իր բանկային հաշիվ։ Դրա համար երկրորդ հոդվածը ծնվեց՝ ապօրինի հարստացման մեղադրանքի մասով։ Սեփական հաշվեհամարից իր մյուս հաշվեհամարին փոխանցումը վարույթն իրականացնող մարմինը դիտարկել էր որպես փողերի լվացում»,- ասաց նա։
Ամփոփելով, Միհրան Պողոսյանը նշեց, որ Միքայել Մինասյանը մեղադրվում է չունեցած գումարը հայտարարագրելու մեջ՝ ապօրինի հարստանալու դրվագով, ինչպես նաև մեղադրվում է սեփական օրինական միջոցները մի հաշվեհամարից մյուս տեղափոխելու համար՝ կրկին ապօրինի հարստացման, փողերի լվացման և հայտարարագրում տվյալ գումարները չներառելու համար։
«Մենք հասել ենք իրավական աբսուրդի գագաթնակետին։ Հենց այս ամենն է մեզ հիմք տալիս ենթադրել ու հիմնավոր դատողություն կատարել այն մասին, որ Միքայել Մինասյանի մեղադրանքը գործող իշխանության քաղաքական հակառակորդ լինելն է»,- ասաց պաշտպանը։
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է