Նիկոլ Փաշինյանը խուճապի մեջ է. Հրաչ Բերբերյանը՝ վարչապետի՝ «նեղսրտած» ուղիղ եթերի մասին
Երբ Նիկոլ Փաշինյանն ուղղորդված ընդդիմադիր էր ԱԺ-ում, տարբեր մեղադրանքներ էր հնչեցնում իշխանության հասցեին, իսկ այսօր ասում է՝ յուրաքանչյուրը քննադատում ու արտահայտվում է իշխանության մասին իր փչացվածության աստիճան: Այս մասին Արմնյուզ ՀԸ Անժելա Թովմասյանի՝ «Հայելու առաջ» հեղինակային հաղորդման ժամանակ ասել է «Այլընտրանքային նախաձեռնություն» ՀԿ ղեկավար Սոնա Աղեկյանը՝ անդրադառնալով ՀՀ վարչապետ Նիկոլ Փաշինյանի ֆեյսբուքյան վերջին ուղիղ եթերին:
Ըստ Սոնա Աղեկյանի՝ այսպիսով Նիկոլ Փաշինյանը փախչում է պատասխանատվությունից. «Մենք այսպիսի առաջնորդ չենք ուզում ունենալ, և 2020թ. ավարտին պարոն Նիկոլ Փաշինյանն այլևս չի լինելու մեր երկրի ղեկավարը»:
Հաղորդման մյուս հյուրի՝ «Ագրագյուղացիական միավորում» ՀԿ ղեկավար Հրաչ Բերբերյանի համար պարզ էր Նիկոլ Փաշինյանի «նեղսրտած» ուղիղ եթերը. «Նիկոլ Փաշինյանի մոտ խուճապ է: Չի կարելի չպատասխանել այն հարցերին, որոնցում քեզ մեղադրում են: Կարծում եմ՝ Նիկոլ Փաշինյանն այդպիսի հայտարարություններ չպետք է աներ, այլապես այստեղ հարցեր են առաջանում»:
Հրաչ Բերբերյանը, խոսելով գյուղատնտեսական ոլորտի ու գյուղացու խնդիրների մասին, ասել է. «Խեղկատակությունը նրան է հասել, որ ապրիլին խոսում են գյուղատնտեսական վարկերի մասին և միայն այսօր են ուզում դա իրականացնել: Բանկերի մոտ սարսափելի հերթեր են ու վստահ եմ՝ գյուղացիների մեծ մասը չեն էլ ստանալու այդ վարկերը»:
Հրաչ Բերբերյանի խոսքով՝ իշխանությունը մատների արանքով է նայում գյուղատնտեսական ոլորտին:
Հարցին՝ ինչպե՞ս կարգավորել, որպեսզի յուրաքանչյուր գյուղացի կարողանա այս պայմաններից ելնելով վարկեր ստանալ, Հրաչ Բերբերյանը պատասխանել է. «Ասել եմ ու ասում եմ՝ գյուղը քայքայել են բանկերը: Պարոն թանկագին վարչապետ, Դուք գյուղացու անվան տակ բանկերն ե՞ք հարստացնում»:
Սոնա Աղեկյանն էլ ահազանգում է, որ մեր գյուղացիներն արտագաղթում են, «Մեր գյուղացիները քարից հաց քամող են: Սակայն, երբ գյուղացին թղթեր հավաքելով գալիս է բանկ ու բանկը մերժում է նրան վարկ տրամադրել՝ փոխարենը տրամադրում է ֆերմերին, գյուղացին հիասթափվում ու բռնում է արտագաղթի ճանապարհը»:
Սոնա Աղեկյանի համոզմամբ՝ եթե Նիկոլ Փաշինյանը ցանկանում է, որ երկրում առաջընթաց լինի, պետք է գյուղացու համար ամեն ինչ դառնա մատչելի. «Նաև գյուղացու շնորհիվ է, որ այսօր Նիկոլ Փաշինյանն իշխանության է ու կարողանում է բյուջեն թալանել»:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Բագրատ Սրբազանի խափանման միջոցը փոխելու միջնորդություն է ներկայացվել
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Կիևի պահանջները նման են անհատակ փոսի․ Սիյարտո
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...