Հայկական ավիաընկերությունների եվրոպական թռիչքների կասեցման մեղավորը Քաղավիացիայի կոմիտեն է. շուտով կներառվենք ԵՄ-ի «սև ցուցակում». Հակոբ Ճաղարյան (տեսանյութ)
Մինչև մայիսի վերջ Եվրամիության ավիացիոն անվտանգության գործակալությունը պետք է որոշում կայացնի՝ ներառե՞լ Հայաստանի քաղավիացիայի կոմիտեն «սև ցուցակի» մեջ, թե՞ ոչ. դա ենթադրում է, որ եվրոպական այդ կառույցն անբավարար է գնահատում մեր ավիացիոն իշխանության աշխատանքը: «Արմնյուզ» ՀԸ «#ՕրաԽնդիր» հաղորդմանը նման կարծիք է հայտնել ավիացիոն ոլորտի կառավարիչ, վարչապետի նախկին խորհրդական Հակոբ Ճաղարյանը:
«Հայկական երկու ավիաընկերություններ զրկված են եվրոպական հավաստագրից, քանի որ Հայաստանը՝ որպես շահագործող երկիր, ի վիճակի չէ միջազգային նորմերին համապատասխան՝ ապահովել օդանավերի թռիչքային պիտանելիության հավաստագրումը և թռիչքային անվտանգության վերահսկումը: Պատճառը քաղավիացիայի կոմիտեն է, ոչ թե այդ ընկերությունները»,- ասել է նախկին օդաչուն:
Ըստ Ճաղարյանի՝ մեր ավիացիոն իշխանությունները հատել են կարմիր գիծը, որևէ հնարավորություն չունեն որպես գործընկեր դիտարկվելու ԵՄ-ի ավիացիոն գործակալության կողմից և կներառվեն «սև ցուցակի» մեջ. «Մենք պետք է հարցը տեխնիկական դաշտից տեղափոխենք քաղաքական հարթություն: Եթե ՀՀ կառավարությունը Եվրամիությանը դիմի խնդրանքով, «սև ցուցակում» ներառվելը կարող է հետաձգվել: Իշխանությունը պարտավոր է անել ամեն ինչ՝ բազմազանեցնելու դեպի Եվրոպա թռիչքների աշխարհագրությունը, ու ցավալի է, որ փոխվարչապետ Ավինյանն ասում է, թե մեր ավիաընկերությունները չեն թռչում Եվրոպա»:
Ավիատորի կարծիքով՝ մինչև 2018 թ.-ն ավիացիոն իշխանությունները եղել են համակարգված, տեխնիկական կարգավորումները կատարվել են բարձր որակով. «Կառավարման գործիքակազմի բացակայությունը բերել է նրան, որ մեր քաղավիացիան շուտով կընդգրկվի ԵՄ-ի «սև ցուցակում»: Կոմիտեն չպետք է եվրոպական գործակալության այս զեկույցով պատկերացում կազմեր իր թերությունների մասին: Տեղական ավիաընկերություններն ի զորու չեն շարունակել իրենց պայմանագրերը եվրոպական ավիաընկերությունների հետ և ստիպված կլինեն իրենց օդանավերը հանել հայկական գրանցումից»:
Հակոբ Ճաղարյանի պնդմամբ՝ լոուքոսթերների մուտքը հայկական շուկա իբրև մեծագույն ձեռքբերում ներկայացնելն աչքակապություն է, նրանց ծավալը շուկայի մոտ երկու տոկոսն է, և այդ չվերթների համար էժան ավիատոմսեր ապահովելը բնավ էլ ձեռքբերում չէ. «Բազմիցս ասվել է, թե իբր ազգային փոխադրողը պետության վրա շատ թանկ է նստելու: Երկիրը պարտավոր է հավասար մրցակցային հնարավորություններ ստեղծել, բայց միջազգային ձևակերպմամբ՝ ազգային փոխադրողը հիմնական կամ միակ դերակատարն է: Դա ոչ թե պետական կարգավիճակ է, այլ շուկայում ունեցած ազդեցության և ծավալների գնահատական»:
Նախկին օդաչուի պնդմամբ՝ փակվող հայկական ավիաընկերություններին կփոխարինեն ռուսականները, լավագույն դեպքում՝ կհիմնվեն հայ-ռուսական համատեղ ավիաընկերություններ, և հայրենական փոխադրողներն առհասարակ կզրկվեն Երևանից դեպի Եվրոպա թռիչքներից:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Բագրատ Սրբազանի խափանման միջոցը փոխելու միջնորդություն է ներկայացվել
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Կիևի պահանջները նման են անհատակ փոսի․ Սիյարտո
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...