Նախարարը հունիսը խլեց դպրոցականներից. նրանք ամբողջ ամիս քննություններ կհանձնեն

ՀՀ կրթության եւ գիտության նախարար Արայիկ Հարությունյանը հրաման է ստորագրել՝ 2017-2018 ուսումնական տարվա սովորողի գիտելիքների ստուգման, պետական ավարտական քննությունների կազմակերպման, անցկացման աշխատակարգում եւ ժամանակացույցում փոփոխություններ կատարելու վերաբերյալ: Մասնավորապես, փոփոխվել են 9-րդ եւ 12-րդ դասարաններում պետական ավարտական քննությունների՝ նախկինում հաստատված օրերը:

Քննությունների համար սահմանվել է հետեւյալ գրաֆիկը.

12-րդ դասարան

«Հայոց լեզու եւ հայ գրականություն» /գրավոր/-13.06.2018թ

«Մաթեմատիկա» /գրավոր/- 20.06.2018թ.

«Հայոց պատմություն» /գրավոր/-26.06.2018թ.

«Ֆիզկուլտուրա»-/նորմատիվների հանձնում/՝ ուսումնական պարապմունքների վերջին շաբաթվա ընթացքում (ստուգարք):

9-րդ դասարան

«Հայոց լեզու եւ հայ գրականություն» /գրավոր/-11.06.2018թ.

«Գրականություն» /բանավոր/-14.06.2018թ.

«Մաթեմատիկա» /գրավոր/-17.06.2018թ.

«Օտար լեզու» («Ռուսերեն», «Անգլերեն», «Ֆրանսերեն», «Գերմաներեն» եւ այլ լեզուներ) /բանավոր/-21.06.2018թ.

«Բնագիտություն» /«Ֆիզիկա», «Քիմիա», «Կենսաբանություն», «Աշխարհագրություն»/ /գրավոր/-25.06.2018թ.

«Հայոց պատմություն» /բանավոր/-28.06.2018թ.

«Ֆիզկուլտուրա» /նորմատիվների հանձնում/-քննաշրջանի ընթացքում

4-րդ դասարանի պետական ավարտական քննությունների օրերը չեն փոխվել.

«Մայրենի» /գրավոր/-02.06.2018թ.

«Մաթեմատիկա» /գրավոր/-05.06.2018թ.

Միաժամանակ տեղեկացնում ենք, որ 2017-18 ուսումնական տարվա միասնական քննությունները կմեկնարկեն հունիսի 8-ից:

«Կենսաբանություն», «Աշխարհագրություն», «Ընդհանուր պատմություն»-08.06.2018թ.

«Հայոց լեզու եւ գրականություն»-12.06.2018թ.

«Ֆիզիկա»- 15.06.2018թ.

«Օտար լեզու»-19.06.2018թ.

«Մաթեմատիկա»-22.06.2018թ.

«Հայոց պատմություն», «Քիմիա» -25.06.2018թ.

«Ռուսաց լեզու»-27.06.2018թ.

Նշենք, որ քննության օրերի փոփոխությունը պայմանավորված է այն հանգամանքով, որ ավարտական դասարանների աշակերտները Համաժողովրդական շարժման ընթացքում հնարավորություն չեն ունեցել լիարժեք պատրաստվել ավարտական եւ միասնական քննություններին:

Լուրեր Հայաստանից - NEWS.am