Մայիսի 8-ին որոշակի նոր դրսեւորումներ կլինեն

Մայիսի 8-ին որոշակի նոր դրսեւորումներ կլինի: Այս մասին, այսօր՝ մայիսի 4-ին, ԱԺ-ում լրագրողների հետ զրույցում նշեց ՀՀԿ խմբակցության պատգամավոր, ԱԺ նախկին նախագահ Գալուստ Սահակյանը:

«Նախ խնդիրն այն կլինի, որ մենք պայքարելու ենք մեր ազգյի համար, մեր պետականությունը հաստատելու համար: Այն բոլոր խոսքերը, որ ժողովուրդն ազատ լինի, ազատամիտ լինի, կարողանա իր խնդիրները լուծել, դրանք ժողովրդական օրենքներից բերված ցիտատներ են:

Ես ուզում եմ հայկական խոսք լինի: Ժամանակին Աշոտ Նավասարդյանը, հետո Անդրանիկ Մարգարյանը ասում էին, որ մենք հայամետներ ենք; Եթե այդ հայամետների զգացումը լինի, բնականաբար, կլինի էն, ինչը ես չեմ ուզում, դուք ուզում եք, կամ հակառակը՝ դուք ուզում եք, ես չեմ ուզում»,-ասաց նա:

Հարցին, թե հնարավո՞ր է մինչեւ մայիսի 8-ը որոշում փոխվի, Գալուստ Սահակյանն ասաց. «Դե դրա հետ կապված էլ կլինի իմ որոշումը»:

Նշենք, որ մայիսի 1-ին ԱԺ-ում չհաջողվեց վարչապետ ընտրել, քանի որ ՀՀԿ խմբակցությունը դեմ քվեարկեց Նիկոլ Փաշինյանի թեկնածությանը: Դրանից հետո ՀՀԿ խմբակցությունը նոր որոշում է կայացրել, որ մայիսի 8-ին կայանալիք վարչապետի ընտրության երկրորդ փուլում իրենք թեկնածու չեն առաջադրի եւ կաջակցեն, որ պատգամավորների 1/3-ի կողմից ներկայացված թեկնածուն ընտրվի: Այս պահի դրությամբ վարչապետի թեկնածու է առաջադրվել Նիկոլ Փաշինյանը:

Ինչպե՞ս է քվեարկելու վարչապետի ընտրությանը Արա Բաբլոյանը. Նա արդեն որոշում ունի

Լուրեր Հայաստանից - NEWS.am