Սոցիալական բո՞ւնտ է սպասվում. մոտ 15 հազար մարդ կզրկվի հաշմանդամության թոշակից

«Փաստ» օրաթերթը գրում է. «Հայաստանում 100 հազարից ավելի մարդ հաշմանդամության կենսաթոշակ է ստանում: Նրանցից 70 հազարը ցմահ թոշակ ստացողներն են, իսկ մնացածը ամեն տարի բուժզննում անցնողները:

«Փաստ» օրաթերթի աղբյուրների վկայությամբ, աշխատանքի եւ սոցիալական հարցերի նախարարությունը կառավարությանն է ներկայացնելու նախագիծ, որով փոխվում են հաշմանդամության կենսաթոշակ նշանակելու չափորոշիչները:

Բանն այն է, որ դրանք անհամեմատ ավելի խստացվելու են:

Մեր աղբյուրի պնդմամբ, նախագիծն ընդունվելու դեպքում (իսկ այն անպայման ընդունվելու է), մոտ տասնհինգ հազար մարդ կզրկվի հաշմանդամության թոշակից:

Սա լուրջ խմորումներ կարող է առաջացնել, հազարավոր հիվանդներ հաշմանդամության կարգ չեն ստանա այլեւս:

Չի բացառվում, որ այս պատճառով Հայաստանում սոցիալական բունտ սկսվի:

Նախագծի նպատակը շատ պարզ է, ուզում են բյուջեի փողերը խնայել»:

Մանրամասները՝ թերթի այսօրվա համարում