Այսօր տեղի կունենա Հայաստանի չորրորդ նախագահի երդմնակալության արարողությունը

Այսօր կեսօրին Ազգային ժողովի հատուկ նիստում՝ Կարեն Դեմիճյանի անվան մարզահամերգային համալիրում կայանալու է Հայաստանի չորրորդ նախագահ Արմեն Սարգսյանի երդմնակալության արարողությունը, և Մեծ Բրիտանիայում Հայաստանի նախկին դեսպանը, ով խորհրդարանի կողմից ընտրվել է երկրի նախագահ, ստանձնելու է իր պարտականությունները:

Այդպիսով, ավարտվելու է նաև նախագահ Սերժ Սարգսյանի լիազորությունների ժամկետը:

Արդեն երդմնակալությունից հետո, Հայաստանի նախագահի նոր նստավայրում՝ Մաշտոցի պողոտայում գտնվող Կառավարության ընդունելությունների նախկին տանը, Արմեն Սարգսյանին այցելելու է վարչապետ Կարեն Կարապետյանը՝ ներկայացնելով Կառավարության հրաժարականը:

Վարչապետ Կարապետյանն ու Կառավարության անդամները կշարունակեն պաշտոնավարել որպես ժամանակավոր պաշտոնակատարներ, մինչև մոտ մեկ շաբաթից Ազգային ժողովը կընտրի նոր վարչապետ:

«Ազատություն TV»-ին ուղիղ հեռարձակմամբ ներկայացնելու է Արմեն Սարգսյանի երդմնակալության արարողությունը:

Այս թեմայով «Մեծ խաչի ասպետ». Արմեն Սարգսյանը պարգեւատրվել է Իտալիայի բարձրագույն պարգեւով (Լուսանկար) Նախագահ Արմեն Սարգսյանն ընդունել է Սերժ Թանկյանին եւ Կարին Հովհաննիսյանին Արմեն Սարգսյանը ստորագրել է «Կուտակային կենսաթոշակների մասին» օրենքը Նախագահը և արաբական երկրների դեսպանները քննարկել են Հայաստանում ստեղծված իրավիճակը Արմեն Սարգսյան. «Հպարտ եմ մեր ժողովրդով»