Լավրով. Սկրիպալների թունավորումը կարող էր բխել Մեծ Բրիտանիայի շահերից

«Չի բացառվում, որ Ռուսաստանի ռազմական հետախուզության պաշտոնաթող գնդապետ Սերգեյ Սկրիպալի թունավորումը բխում էր Մեծ Բրիտանիայի հատուկ ծառայությունների և իշխանությունների շահերից, որոնք Brexit-ի հետ կապված հայտնվել են բավական ծանր կացության մեջ», - հայտարարել է Ռուսաստանի արտաքին գործերի նախարար Սերգեյ Լավրովը:

«Սկրիպալների թունավորման հետ Ռուսաստանը որևէ առնչություն չունի: Մենք ճշմարտության բացահայտման ամենաշահագրգիռ կողմն ենք», - «Ինտերֆաքս» լրատվական գործակալության փոխանցմամբ՝ նշել է Լավրովը այսօր Մոսկվայում կայացած մամուլի ասուլիսի ժամանակ:

66-ամյա Սերգել Սկրիպալին ու նրա դստերը՝ 33-ամյա Յուլիային մարտի 4-ին անգիտակից վիճակում հայտնաբերել են բրիտանական Սոլսբերի քաղաքում նստարանին, ծայրահեղ ծանր վիճակում տեղափոխել հիվանդանոց:

Ըստ բրիտանացի քննիչների՝ Սկրիպալներին թունավորել են նյարդապարալիտիկ «Նովիչոկ» նյութով, որը ստեղծվել է Ռուսաստանում:

Թեև Ռուսաստանը կտրականապես հերքում է նախկին լրտեսին ու նրա դստերը թունավորելու մեղադրանքները, Մեծ Բրիտանիան, ապա նաև՝ ԱՄՆ-ը և արևմտյան երկու տասնյակից ավելի այլ պետություններ ռուսաստանցի հարյուրավոր դիվանագետների արտաքսեցին, ինչին պաշտոնական Մոսկվան հակադարձեց նույնպիսի քայլով:

Այս թեմայով Սկրիպալներին «թունավորողին» նկատել են ՌԴ գլխավոր հետախուզական վարչության գեներալի դստեր հարսանիքին (լուսանկար) Սերգեյ Սկրիպալը թունավորման դեպքից հետո առաջին անգամ զանգահարել է հարազատներին Սկրիպալների գործով ԱՄՆ-ն նոր պատժամիջոցներ է պատրաստում Ռուսաստանի դեմ Վիկտորյա Սկրիպալը պատմել է «տառապանքների տարվա» մասին Սերգեյ Սկրիպալի առողջական վիճակը վատացել է