Անկարան խստորեն զգուշացրել է Ֆրանսիային՝ Սիրիայի քրդերին աջակցելու մտադրության համար

«Նրանք, ովքեր համերաշխություն կհայտնեն ու համագործակցության մեջ կմտնեն ահաբեկչական խմբերի հետ՝ ընդդեմ Թուրքիայի, կնմանվեն ահաբեկիչների, կդառնան Թուրքիայի թիրախը»,- այսօր Թվիթերում գրել է Թուրքիայի փոխվարչապետ Բեքիր Բոզդաղը՝ հույս հայտնելով, որ Ֆրանսիան այդպիսի «իռացիոնալ քայլ» չի կատարի:

Նախօրեին Ֆրանսիայի նախագահ Էմանյուել Մակրոնը «Սիրիական ժողովրդավարական ուժերին» (YPG) խոստացել է Փարիզի աջակցությունը:

Մակրոնն առաջին անգամ հանդիպում է ունեցել «Սիրիական ժողովրդավարական ուժերի» ներկայացուցիչների հետ: Նախագահը գնահատել է «Իսլամական պետություն» ահաբեկչական խմբավորումների դեմ նրանց պայքարը և խոստացել Փարիզի աջակցությունը Սիրիայի հյուսիս-արևմուտքում կայունություն հաստատելու համար, հաղորղել է Մակրոնի գրասենյակը:

Հանդիպմանը մասնակցած սիրիական պատվիրակության անդամները «Ռոյթերզ»-ին ասել են, թե Մակրոնը խոստացել է զորք ուղարկել Սիրիայի հյուսիս-արևմուտք, հումանիտար օգնություն ցուցաբերել և դիվանագիտական ջանքեր գործադրել:

Մարտի 29-ին, հանդիպման նույն օրը, Էմանյուել Մակրոնը հեռախոսազրույց է ունեցել ԱՄՆ-ի նախագահ Դոնալդ Թրամփի հետ:

«Սիրիական ժողովրդավարական ուժերի» մեջ տարբեր խմբեր են մտնում, այդ թվում՝ նաև արաբներ, քրիստոնյաներ, բայց հիմնական ուժը քրդերն են: Անկարան նրանց ահաբեկչական կազմակերպություն է համարում:

Այս տարվա սկզբին թուրքական զորքերը մտել են Սիրիայի քրդական ուժերի վերահսկողության տակ գտնվող շրջանը: Նրանք գրավել են խոշոր քաղաքներից մեկը՝ Աֆրինը և սպառնում են շարժվել Մանբիջի ուղղությամբ որտեղ ամերիկյան ուժեր կան տեղակայված:

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին