Հուսով եմ, որ նա՝ մեր գերագույն նմանակողի պես չի ներկայացնում իր պետության կենսական ազգային շահը. Րաֆֆի Հովհաննիսյան

Րաֆֆի Հովհաննիսյանը անդրադառնալով Սերգեյ Լավրովի հայտարարությանը ֆեյսբուքյան իր էջում գրել է․ QUO VADIS, ՍԵՐԳԵՅ ՎԻԿՏՈՐՈՎԻ՞Չ

Մեծ երկրի՝ այն էլ ռազմավարական գործընկերոջ, գրանցված միջնորդի և անվտանգության երաշխավորի, բազմափորձ ու քաջատեղյակ գլխավոր դիվանագետը մեր աչքի առջև փլուզվում է՝ որպես մարդ, մասնագետ և բարեկամ։

Մեկ անգամ չէ, որ ասենք լեզվի սայթաքում է կամ էլ Հայաստանի անկապ իշխանության անկապ քայլ-արտահայտության խորամանկ ընդօրինակում, այլ՝ երկրորդ, երրորդ, երկարող շարանի մեջ հերթական ապացույցը։

Ապացույցը, որ նա՝ առնվազն մեր երկրի կործանարարի հանգույն, շեղվել է ճշմարիտ ուղուց և, եթե վարձկան չէ՝ անիրավ է, անարժան, «ցինիկ» ու պատեհապաշտ։

 Հուսով եմ, որ նա՝ մեր գերագույն նմանակողի պես, ըստ էության, չի ներկայացնում իր պետության կենսական ազգային շահը։

Րաֆֆի Կ. Հովհաննիսյան
2 փետրվարի 2023
Երևան