«Հայաստանում դեռ գործակալական ցանցերի հետ ունեցած խնդիրները չենք լուծել». Փաշինյանը խոսեց այլասերվածության մասին
Շատ կարեւոր է, որ հատկապես ուշադրություն դարձնենք, որ ՀՀ ԶՈՒ գործունեությունը խաթարելու ցանկացած փորձ պետք է ամենակոշտ մեթոդներով կանխվի՝ անկախ մոտիվացիաներից, անկախ գործող անցանց էմոցիոնալ վիճակից: Այս մասին, այսօր՝ սեպտեմբերի 16-ին կառավարության նիստի սկզբում հայտարարեց ՀՀ վարչապետ Նիկոլ Փաշինյանը:
«Մենք դեպքեր ենք ունեցել 44-օրյա պատերազմի ժամանակ եւ դրանից հետո, այդ գործերով ինտենսիվ քննություն է գնում, դատական գործեր կան: Որեւէ անձի որեւէ կարգավիճակ թույլ չի տալիս օրենքից դուրս գործողություններ անել: Որտեղ որեւէ մեկը օրենքի գիծն անցնում է, պետք է իրավապահ համակարգի հակազդեցությունը շատ արագ եւ ամենակոշտ ձեւերով զգա: Որովհետեւ եկեք արձանագրենք, որ սա պետական անվտանգության հարց է եւ չենք պատրաստվում այստեղ որեւէ կոմպրոմիսի գնալ»,-ասաց նա:
Փաշինյանը նաեւ կարեւորեց տեղեկատվական անվտանգության ապահովումը. «Մենք տեսնում ենք, որ ինչ-որ կասկածելի անձինք կարող են կասկածելի տեղեկատվություններով սպառնալիքներ ստեղծել երկրի ազգային անվտանգության նկտմամբ: Այստեղ էլ՝ ժողովրդավարությունը ժողովրդավարություն, խոսքի ազատությունն էլ հասկացանք, բայց այլասերվածներին պետք է թույլ չտալ այլասերվածություն մտցնել: Այստեղ էլ մենք ակնկալում ենք, որ մեր իրավապահ համակարգը, ԱԱԾ-ն շատ կոնկրետ մեթոդներ եւ միջոցներ ձեռնարկի, այդ թվում հայտնաբերելով համագործակցող անձանց, որովհետեւ դա, ըստ էության, գործակալական ցանց է Հայաստանում»,-ասաց նա:
Նշելով, որ ՀՀ ԱԱԾ-ն շատ մեծ հաջողություններ ունի գործակալական ցանցեր բացահայտելու առումով՝ Փաշինյանը կարծիք հայտնեց, որ ՀՀ-ում դեռ գործակալական ցանցերի հետ ունեցած խնդիրները չեն լուծել և պետք է շարունակեն այդ ուղղությամբ հետևողական աշխատանք իրականացնել:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան