Իմ Հերոս նախագիծ
Գլխավոր Թոփ լուրեր Լրահոս Վիդեո Թրենդ
Bentley առաջին էլեկտրական ամենագնացը Էլեկտրամոբիլների և լիցքավորվող հիբրիդների վաճառքը կրճատվել է Հարի Փոթերը և փիլիսոփայական քարը Թիրախն այդ ժամանակ պետք է լիներ ԱՄՆ-ի նախագահի թեկնածու Դոնալդ Թրամփը 2028 թվականի Եվրոպայի առաջնության ընտրական փուլի վիճակահանության զամբյուղները ձևավորվել են Թբիլիսիում մեկ օրվա ընթացքում երթևեկում է մինչև 900 հազար տրանսպորտային միջոց Globe Soccer Awards 2026. բոլոր հիմնական անվանակարգերն ու անունները Մենք հանձնառու ենք կերտելու աշխարհ, որտեղ կանայք ապահով են, նրանց ձայնը՝ լսելի, իսկ ձգտումները չեն սահմանափակվում վախով Ես շատ կցանկանայի, որ խաղաղության պայմանագիրը վերջապես ստորագրվեր և ուժի մեջ մտներ Պատմություն՝ հնչողությամբ մեկ դար Թրամփին դիմավորել է Չինաստանի նախագահը Լիոնել Մեսսին պահանջել է դադարեցնել իր անվան օգտագործումը կոմերցիոն նպատակներով

Bentley առաջին էլեկտրական ամենագնացըԷլեկտրամոբիլների և լիցքավորվող հիբրիդների վաճառքը կրճատվել էՀարի Փոթերը և փիլիսոփայական քարըԹիրախն այդ ժամանակ պետք է լիներ ԱՄՆ-ի նախագահի թեկնածու Դոնալդ Թրամփը2028 թվականի Եվրոպայի առաջնության ընտրական փուլի վիճակահանության զամբյուղները ձևավորվել են Թբիլիսիում մեկ օրվա ընթացքում երթևեկում է մինչև 900 հազար տրանսպորտային միջոցGlobe Soccer Awards 2026. բոլոր հիմնական անվանակարգերն ու անուններըՄենք հանձնառու ենք կերտելու աշխարհ, որտեղ կանայք ապահով են, նրանց ձայնը՝ լսելի, իսկ ձգտումները չեն սահմանափակվում վախովԵս շատ կցանկանայի, որ խաղաղության պայմանագիրը վերջապես ստորագրվեր և ուժի մեջ մտներՊատմություն՝ հնչողությամբ մեկ դարԹրամփին դիմավորել է Չինաստանի նախագահըԼիոնել Մեսսին պահանջել է դադարեցնել իր անվան օգտագործումը կոմերցիոն նպատակներովՋեյմս Քեմերոնը Հայաստան չի գաԿրիշտիանու Ռոնալդուի հեռանալն ինձ շատ տխրեցրեցԱրգենտինայի ազգային հավաքականը Կոստա Ռիկայի դարպասն է ուղարկել 7 անպատասխան գնդակ Մինչև 45 միլիարդ եվրոյի լրացուցիչ ֆինանսական աջակցություն ՈւկրաինայինԿօգտվենք բոլոր գործիքներիցՄառլա Բլոուն միացել է «Ավրորա» մրցանակի Ընտրող հանձնաժողովինՄայքլ Ջեքսոնին պատկանող ավելի քան 100 անձնական իր վաճառքի է հանվել Julien’s Auctions աճուրդումՄենք չենք պարտադրում, մենք խնդրում ենք, բացատրում և շահագրգռում ֆինանսական միջոցներովԻ գիտություն զանգվածային լրատվության միջոցներիՊուտինը և Սի Ծինփինը քննարկել են ուկրաինական հակամարտության կարգավորման հարցըՖրանսիայի ոստիկանությունը ավելի քան 7 հազար մարդու է ձերբակալել Առանց ձմեռային անվադողերի երթևեկելու համար վարչական պատասխանատվության է ենթարկվել 400 վարորդԱպօրինի պահվող զենք-զինամթերքի կամավոր հանձնումներ Karcher-ի ներկայացուցիչներն ու Երևանի քաղաքապետարանը քննարկել են համագործակցությունըՃապոնիայի դեսպանն ավարտում է դիվանագիտական առաքելությունը ՀայաստանումՀավատարիմ մնալով իմ սկզբունքներին, չէի կարող մերժել այդ առաջարկըՄոլդովայի օդային տարածքը ժամանակավորապես փակվել էԱնշարժ գույքի շուկան ՀայաստանումՍուրեն Պապիկյանը Բրյուսելում մասնակցել է Շումանի անվտանգության և պաշտպանության համաժողովի բացմանը (տեսանյութ)Նախապատվությունը տրվելու է հանրային տրանսպորտին. ԱվինյանՖինլանդիան մտադիր չէ դուրս գալ ՆԱՏՕ-իցՔաղաքացիները հնարավորություն կունենան կամավոր ապահովագրել նաև ընտանիքի անդամներինԱզգային ժողով - Կառավարություն հարցուպատասխան 18.11.2026 (ուղիղ)Ինչո՞ւ են ՀԷՑ-ի նախկին ղեկավարները թանկ գներով ձեռք բերել սովորական հենասյուները. Ալեքսանյան2027 թվականին պաշտպանական ոլորտի ծախսերը 53 մլրդ դրամով ավելացել ենՀայաստանի Մ-19 հավաքականը ոչ-ոքի խաղաց Կիպրոսի հետՆոյեմբերի 18-ին ԿԲ-ի ռեեստրը ժամանակավորապես չի գործիՆպատակը` ՀՀ արտահանման ծավալները ավելացնելն է ինչպես ԵՄ, այնպես էլ ԵԱՏՄ ու Մերձավոր Արևելքի շուկաներ. ՊապոյանԱվտովթարների հետևանքով 9 ամսում մահացել է 12 անչափահաս, վիրավորվել՝ 700TRIPP տեխնիկական պարամետրերը պետք է համաձայնեցվեն Ադրբեջանի հետԲոլորը պետք է կենտրոնանան մեկ հարցի՝ Հայաստանի տնտեսության զարգացման վրաՂարաբաղից տեղահանվածների բնակապահովման ծրագրի տեմպն արագացել էՔննարկվել են Հայաստանի Հանրապետությունում դրոշմավորման փորձնական ծրագրերըԵրիտասարդական մայրաքաղաքի կոչման համար մրցում են Հրազդան և Վաղարշապատ քաղաքներըԵվրոպական ակումբային ֆուտբոլում պատմական փոփոխություն է սպասվումԻրանը հարվածել է Քուվեյթին եւ Բահրեյնին, կոալիցիան՝ Եմենի հութիներինՀայտնի են 2027 թվականի ձմեռային զորակոչի և զորացրման ժամկետներըԱրթուր Պողոսյանը Թեհրանում հանդիպել է Ամին Հոսեյն Ռահիմիի հետ

Եթե իշխանությունները խաղից հանեն ընդդիմադիր լիդերներին, կստանան ահաբեկչական ակտեր. Արամ Անտինյան

 

«Քառյակ մեդիա» ընկերության գլխավոր տնօրեն Արամ Անտինյանը իր հոդվածում անդրադարձել է ընդդիմության դեմ իշխանությունների ձեռնարկած քայլերին ու դրանց հնարավոր հետևանքներին։

Նա նշել է, որ եթե Փաշինյանի քաղաքական ընդդիմախոսները չեն ցանկանում անել հակասահմանադրական քայլեր ու պայքարում են բացառապես օրենքի շրջանակներում, իսկ իշխանությունները մտադիր են նրանց դեմ ուժ կիրառել՝ պետության անունից, իսկ հանրությունը հասկանում է, որ դա հաշվեհարդար է, ապա ազդեցությունը ծնում է հակազդեցություն, և կգտնվի այն ուժը, որն անօրինական ուժ կկիրառի։

Հոդվածն ամբողջությամբ ներկայացնում ենք ստորև․

Արտակարգ դրությունը երկարացվեց ևս մեկ ամսով՝ մինչև հուլիսի 13-ը, ու դժվար չէ ենթադրել, որ կերկարացվի այնքան, որքան ցանկանա Փաշինյանը, և միշտ էլ կգտնի պատճառ դա անելու համար։ Միաժամանակ դժվար չէ ենթադրել, որ կորոնավիուսի դեմ պայքարը պատրվակ է՝ պայքարելու իշխանություններին քննադատող ու կառավարության հրաժարականը պահանջող ընդդիմադիրների դեմ․ վարչապետին անվստահություն հայտնելու նախագիծ ներկայացնել չի կարելի, զանգվածային բողոքի ակցիաներ իրականացնել՝ ևս։

Մի քանի օր առաջ Փաշինյանն ու թիմակիցները խղճահարություն էին առաջացնում, թե ինչպես կարելի է կորոնավիրուսով վարակված վարչապետին քննադատել ու նրա հրաժարականը պահանջել, բայց Փաշինյանը հասկացավ, որ դա աշխատող տարբերակ չէ, քանի որ եթե ինքը չի կարողանում հետևել առողջապահական կանոններին, ինչպե՞ս է դա պահանջում ժողովրդից։ Բացի այդ, մեր երկիրն այնքան խնդիրեր ունի՝ ներպետական, տարածաշրջանային ու աշխարհաքաղաքական, որ օրվա մեջ 24 ժամ աշխատող վարչապետն անգամ չի հասցնի իր պաշտոնի բերումով լիազորությունների ողջ ծավալը կյանքի կոչել, ուր մնաց՝ ինքնամեկուսացածը։ Մանավանդ, որ գործից ինչպես չէր հասկանում երկու տարի առաջ, այնպես էլ հիմա, կնշանակի նրան փոխելն արդեն դարձել է ազգային անվտանգության խնդիր։ Ու կատարվեց հրաշք՝ վարչապետը մի քանի օրից առողջացավ ու ակտիվ կերպով լծվեց աշխատանքի։ Իրականում լծվեց ընդդիմության վտանգը չեզոքացնելու գործին։ Հիմա էլ Փաշինյանը շանտաժ է անում, թե պատերազմի ժամանակ ով իր դեմ պայքարի՝ հայրենիքի դավաճան է, ու կպատժի նրանց պատերազմական ժամանակների օրենքներով։ Արդյոք այս շանտաժն ու ահաբեկումն արդյունք կտա, վստահաբար՝ ո՛չ։


Երբ ժողովուրդը վստահում էր Փաշինյանին, նա ինչ ուզում, անում էր, ու ինչ ուզում էր՝ ժողովուրդն էր նրա համար անում, նաև ընդդիմախոսներին լռեցնում, թե՝ թողեք աշխատեն։ Ու եթե այդ ժամանակ ողջ ընդդիմադիր դաշտը համախմբվեր, միևնույն է՝ սոցիալական բազա չէր ունենա՝ ո՛չ Փաշինյանին պաշտոնանկ անելու, ո՛չ էլ իշխանության գալու։ Իսկ այսօր, եթե Փաշինյանը բոլոր ընդդիմադիներին ձերբակալի ու սեփական ընդդիմությունը ստեղծի, միևնույն է՝ հասարակության շահերը չի կարող սպասարկել, քանի որ ժողովուրդը գտնվում է օրհասական վիճակում ու խոսքերով չես կերակրի, եթե անգամ դրանք համով ստեր են։

Ընդդիմությունը չի հրահրում անկարգություններ, այլ փորձում է կանոնակարգել անկանխատեսելի ու անկառավարելի զարգացումները, ինչն անխուսափելի է, քանի որ Փաշինյանի կառվարությունը ոչ ցանկություն ունի, ոչ էլ հնարավորություն՝ իրավիճակը բարելավելու։ Վարչապետն անհուսալի գործընկեր է արտաքին աշխարհի համար, անհուսալի ղեկավար՝ երկրի ներսում ցանկացած գործարարի ու ներդրողի համար, այդ ինչի՞ հաշվին է տնտեսությունը զարգանալու, հանրության սոցիալ-տնտեսական վիճակը բարելավվելու։ Կորոնավիրուսով պայմանավորված օբյեկտիվ համաշխարհային դժվարություններին գումարվել է ներպետական սուբյեկտիվ ձախողումները, այդ պարագայում, եթե անգամ ընդդիմության շրջանում մեղավորներ գտնվեն, դրանց մի մասին կալանավորեն, մյուսներին լռեցնեն, ողջ ժողովրդին ինչպե՞ս են լռեցնելու։

Եթե քաղաքական ընդդիմախոսներդ չեն ցանկանում անել հակասահմանադրական քայլեր ու պայքարում են բացառապես օրենքի շրջանակներում, իսկ իշխանությունները մտադիր են նրանց դեմ ուժ կիրառել՝ պետության անունից, իսկ հանրությունը հասկանում է, որ դա հաշվեհարդար է, ապա ազդեցությունը ծնում է հակազդեցություն, և կգտնվի այն ուժը, որն օրենքի անունից հակաօրինական ուժ կիրառող իշխանության դեմ կհանի զորք՝ անօրենք ուժ կիրառելով, բայց բարոյական տեսանկյունից գործելով միանգամայն օրինական։ Չմոռանանք, որ կռվող տղերքի պակաս չունենք, բացի այդ պատերազմական երկրում ապօրինի զենքի պակաս էլ չկա, ու անթաքույց զենքի դիմող քաղաքական գործիչների պակաս էլ կարծես չի զգացվում։

Կար մի պահ, որ հեղափոխական իշխանություններն էին կանխարգելիչ դեր խաղում, որպեսզի արյուն ուզող ժողովրդի կամքն արտահայտող հրացանավոր մարդիկ իշխանությունը չփորձեն վերցնել ու ժողովրդի անունից հաշվեհարդար տեսնել ում հետ կամենան։ Իսկ այսօր ընդդիմադիր քաղաքական դեմքերը, իրենց ուժերի հետ միասին, այն զսպաշապիկն են, որ հրացանավոր մարդիկ հասարակական աջակցություն չվայելեն։

Եթե իշխանությունները խաղից հանեն ընդդիմադիր լիդերներին, կստանան ահաբեկչական ակտեր, քանի որ հիմա էլ կասեն՝ այս իշխանություններից օրինական ճանապարհով ազատվել չի լինի, չտեսա՞ք, թե ընդդիմության հետ ինչպես վարվեցին։ Իրականում հրացանավոր մարդիկ ուրախ են, որ օրինապաշտ ընդդիմությունը ջախջախվի, ու իրենք փրկիչի կերպարով ասպարեզ մտնեն, ու երեսպաշտորեն պաշտպանեն ջախջախված ընդդիմության առաջնորդներին։

Եթե Փաշինյանն արգելում է, որ ընդդիմությունը զանգվածային միջոցառումներ իրականացնի, դրանով ինքն էլ է զրկվում իր կարևոր «զենքից», որ կամակորների ու ըմբոստների դեմ ժողովրդի «բանակն» ուղարկի։ Եթե օրենքի անունից դիմի տեռորի, ապա ասպարեզ կբերի տեռորիստներին։

Փաշինյանն իրականում ցանկանում է կոնոնավիրուսի առիթն օգտագործել, որպեսզի ամրապնդի իր դիրքերը, բայց համավարակի պարագայում այնքան ապաշնորհ գտնվեցին՝ ինքն ու իր կառավարությունը, որ դա էլ աշխատեց նրա դեմ։ Փաշինյանի գավառական հնարքներն արդեն արդյունք չեն տալիս, ընդդիմադիր ժամանակվա դեստրուկտիվիզմն էլ արդեն կործանարար է գործադիր իշխանության ղեկավարի համար։ Այս իրավիճակում Փաշինյանին միայն հրաշքը կփրկի, բայց հրաշքն էլ է ախր պրագմատիկ՝ փրկի Փաշինյանին, որ ի՞նչ անի, մի որոշ ժամանակ աթոռը պահելը համարենք փրկությո՞ւն։

Իհարկե Փաշինյանը կարծում էր, որ իրենից առաջ ոչինչ չի եղել, ու հավանաբար կարծում է, որ իրենից հետո էլ ոչինչ չի լինելու, բայց հարկ է հիասթափեցնել վարչապետին՝ Հայաստանը եղել, կա ու կլինի։ Պարզապես 1+1+1 բանաձևի շրջանակում ամեն մեկն անհատականություն է, նրանցից յուրաքանչյուրի կորուստը կամ խեղված ճակատագիրն անդառնալի։ Եթե անգամ իրավիճակը որոշ ժամանակ անց շտկվի, ապա դրանից կօգտվեն մեր ուրիշ հայրենակիցներ, իսկ հիմա՝ կորոնավիրուսից մեռնողը մեռնում է, արտագաղթողը արտագաղթում, սովամահ լինողը սովամահ լինում, այդ ամենն ինչպե՞ս ենք փոխհատուցելու, մտածե՞լ ենք։

tert.am