Արցախի Ասկերանի ու Մարտակերտի շրջաններում կարկտահարվել է 1661,4 հա տարածք. Փոխհատուցման միջոցներ չկան
Հունիսի 27-ին Արցախի Հանրապետության Ազգային ժողովի արտադրության և արտադրական ենթակառուցվածքների հարցերի մշտական հանձնաժողովը լսումներ է կազմակերպել, որին հրավիրվել են գյուղատնտեսության նախարար Գ.Հայրիյանը, շրջվարչակազմերի ներկայացուցիչներ և այգեգործներ:
Արցախի ԱԺ-ից հայտնում են, որ քննարկվել են կարկտահարության հետևանքները մեղմելուն ուղղված միջոցառումները:
Գեորգի Հայրիյանի խոսքով 2023 թվականը երաշտի, կարկուտի, սելավի տարի էր, որի հետևանքով մեծ կորուստներ ենք ունեցել:
Վնասներ են կրել հիմնականում Ասկերանի ու Մարտակերտի շրջանները, հունիսի 15-ի տվյալներով կարկտահարվել է 1661,4 հա տարածք:
Լսումներին ներկա երիտասարդ այգեգործները տեղեկություններ են տրամադրել իրենց այգիների վիճակի մասին:Նրանք գումարներ են ծախսել թունաքիմիկատների վրա, կարկուտի պատճառով բերք չեն ստանալու, ուստի դիմում են փոխհատուցման հարցով:
Գ.Հայրիյանը նշել է, որ միջոցները սուղ են, փոխհատուցման գումար բյուջեով չեն նախատեսել:
Ազգային ժողովի փոխնախագահ Գ. Բաղունցի խոսքով երիտասարդ այգեգործները աջակցություն պետք է ստանան, որովհետև նրանք գոյաբանական խնդիր են լուծում:
Արտադրության և արտադրական ենթակառուցվածքների հարցերի հանձնաժողովի նախագահ Վ. Կասյանը առաջարկել է 2023 թվականի բյուջեով նախատեսված ու մասամբ իրականացված ծրագրերի գումարի հաշվին աջակցել կարկուտից տուժած այգեգործներին: Հարցը կբարձրաձայնվի խորհրդարանի հերթական նիստում, պատգամավորները կդիմեն Հանրապետության նախագահին:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները