Բրազիլացիները կրկին բողոքում են՝ պահանջելով իմպիչմենթի ենթարկել Բոլսոնարուին
Ցուցարարները դուրս են եկել բրազիլական մի քանի քաղաքների փողոցներ, որպեսզի պահանջեն իմպիչմենթի ենթարկել ծայրահեղ աջ նախագահ Ժաիր Բոլսոնարուին, որի ժողովրդականությունը վերջին շաբաթներին ընկել է՝ համավարակի ֆոնին կոռուպցիոն սկանդալների պատճառով, գրում է U.S. News-ը։
Բոլսոնարուի ղեկավարության օրոք COVID-19-ից ավելի քան 500 000 բրազիլացի է մահացել: Նախագահին լայնորեն քննադատում են այս հիվանդության լրջությունը ժխտելու, դիմակների ու սոցիալական հեռավորության միջոցների դեմ արտահայտվելու համար:
Ներկայումս Բոլսոնարուի գործը գտնվում է Սենատում, որը հետաքննում է կորոնավիրուսի դեմ հնդկական պատվաստանյութ գնելու հետ կապված կոռուպցիայի հավանականությունը:
Բրազիլիայի ներկայիս նախագահը պատրաստվում է հաջորդ տարի վերընտրվել այն մրցապայքարում, որում, հավանաբար, կբախվի իր քաղաքական թշնամու՝ նախկին ձախ նախագահ Լուիս Ինասիու Լուլա դա Սիլվայի հետ: Սոցհարցումները ներկայումս ցույց են տալիս, որ Բոլսոնարուն պարտվում է Լուլային: