Դիվանագիտական սկանդալ. Վաղարշակ Հարությունյանը գոհ է, որ իրեն ընդունել է ՌԴ ԱԳՆ նախարարի տեղակալը, այլ ոչ օրինակ հավաքարարը

ՊՆ նախկին նախարար Վաղարշակ Հարությունյանը, ով երկար ժամանակ` գրեթե մեկ տարի, պայքարում էր դեպսանի պաշտոնի համար այսօր հայտնվել է դիվանագիտական սկանդալի կիզակետում։

Բանն այն է, որ ՌԴ նախագահ Պուտինը կտրականապես դեմ է եղել Հարությունյանի նշանակմանն, ինչն էլ հանդիսացել է երկու մերժման հիմք, սակայան վերջին փորձի ժամանակ Փաշինյանը, որպես անձնական խնդրանք է ներկայացրել Հարությունյանին այդ պաշտոնում իր առաջարկը։

Երեկ ահա դեսպան Վաղարշակ Հարությունյանն իր հավատարմագրերի պատճեներն է հանձնել ՌԴ ԱԳ նախարարի տեղակալ՝ Ա․Ռուդենկոյին: Սա պետական մակարդակով անհարգալից վերաբերմունք է առաջինը Հայաստանի ղեկավարի, ապա հենց Հարությունյանի նկատմամբ, սա դիվանագիտական չգրված օրենքներից է, որը կիրառվում է այն երկրների կամ դեսպանների նկատմամբ, ովքեր մեղմ ասած հարգանք չեն վայելում։

Այնուամենայնիվ հարկ է նշվել, որ Հարությունյանը բավականին ոգևորված է, որ իրեն ոչ թե դռնապահը, կամ գործավարուհին է ընդունել այլ գոնե ՌԴ ԱԳՆ նախարարի տեղակալը։

Նշենք, որ ըստ դեսպանատան մեր աղբյուրների, Հարությունյանն ևս մեկ խայտռակ որոշում է կայացրել՝ Հայակական բանակի օրը, որը Հայաստանում նշվում է հունվարի 28-ին, նա որոշել է նշել այսօր, այսինքն գրեթե մեկ ամիս անց: Դեսպանտան աշխատակիցները անգամ ծաղրանքով նշում են, որ կարելի է միանգամից նշել Հարությունյանի՝ դեսպանի պաշտոնում բաց թողած բոլոր տոները։

Հիշեցնենք, որ Հարությունյանը 2021 թվականի հուլիսի 20-ին ազատվել էր Պաշտպանության նախարարի պաշտոնակատարի պաշտոնից։

Նա դեսպանի պաշտոնում է նշանակվել հունվարի 5-ին:

armday.am