Կոչ եմ անում ԶՊՄԿ-ին չանտեսել հանրության կոչերն ու հետազոտությունները. բնապահպան Սիլվա Ադամյան
Զանգեզուրի պղնձամոլիբդենային կոմբինատն անտեսում է հանրության կոչերն ու հետազոտությունները, իսկ Առողջապահության նախարարությունը բացարձակ ուշադրություն չի դարձնում հանքարդյունաբերության ոլորտի խնդիրներին։ Այս մասին այսօր՝ փետրվարի 2-ին, լրագրողների հետ զրույցում ասել է «Էկոլոգիական հասարակական միություն» ՀԿ նախագահ, բնապահպան Սիլվա Ադամյանը։
«Զանգեզուրի պղնձամոլիբդենային կոմբինատում բաժնետոմսերի նվիրատվությունից հետո ունենք շատ վատ, անգրագետ աշխատանք, որը մենք շատ վատ ենք գնահատում, քանի որ հանրության հետ կապերը չի կարելի խզել ու ծածկադմփոց անել։ Միևնույն է, անկախ փորձագետներն ու բնապահպանները աշխատելու են և վեր են հանելու խնդիրները։ Աչալուրջ ենք լինելու, պետք է լուծում տալ խնդիրներին։ Կոմբինատի գործունեությունը պետք է կարգավորվի, պետք է պատասխան տրվի հարցերին, թե ինչ վիճակում է Արծվանիկի պոչամբարը, ինչու գործունեություն չի ծավալվում ռեկուլտիվացիայի համար, և արդյոք այս փնթի գործընթացը այսպես պետք է շարունակվի»,- նշել է բնապահպան Սիլվա Ադամյանը։
Բնապահպանը կոչ է արել ԶՊՄԿ-ին չանտեսել հանրության կոչերն ու հետազոտությունները, իսկ փորձագետներին ու բնապահպաններին՝ շարունակել ուշադրության կենտրոնում պահել այս խնդիրները։
«Առողջապահության նախարարությունը բացարձակ ուշադրություն չի դարձնում հանքարդյունաբերության ոլորտի խնդիրներին, մասնագիտական մոտեցում ցույց չի տալիս, նորմալ ուսումնասիրություններ չեն արվում։ Նման վիճակում պետք է շատ ուշադիր լինել, չէ՞ որ հենց նախարարությունն էլ պետք է իր եզրակացությունը տա՝ կապված պղնձաձուլարանի հետ»,-նշել է բանախոսը։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...