Ռուսաստանում ՀՀ դեսպան Վարդան Տողանյանն ավարտել է իր առաքելությունը եւ հայտարարությամբ է հանդես եկել
Ռուսաստանում Հայաստանի դեսպանի պաշտոնը լքող Վարդան Տողանյանը հայտարարությամբ է հանդես եկել առաքելության ավարտի կապակցությամբ: Դրա տեքստը մեջբերում է դեսպանատան մամուլի ծառայությունը.
«Հարգելի բարեկամներ,
Թանկագին հայրենակիցներ,
Դիմում եմ ձեզ Ռուսաստանի Դաշնությունում Հայաստանի Հանրապետության դեսպանի իմ առաքելության ավարտի կապակցությամբ:
Ինձ համար մեծ պատիվ էր գրեթե հինգ տարի ներկայացնել Հայաստանի Հանրապետությունը դաշնակից Ռուսաստանում, որի հետ մեզ կապում են դարավոր ավանդույթները, հոգևոր մտերմությունը, ամուր եղբայրական կապերը եւ ընդհանուր ձեռքբերումների պատմությունը։
Պետք է խոստովանեմ, որ կրկնակի պատասխանատվություն է մեր երկիրը պաշտոնապես ներկայացնելը Լազարեւի արեւելյան լեզուների ինստիտուտի պատմական շենքի պատերի ներսում՝ կրթամշակութային կենտրոն, որը հայ-ռուսական բարեկամության խորհրդանիշն է ավելի քան 200 տարի։
Այս ընթացքում մենք ձեզ հետ միասին բազմաթիվ փորձություններ անցանք, մեր նորագույն պատմության դժվարին փուլերը։ Չնայած դժվարություններին՝ դեսպանատան անձնակազմի եւ ՀՀ տարբեր պետական կառույցների ներկայացուցիչների հետ միասին մեր գործունեության մեջ շարունակել ենք հավատարիմ մնալ բացության եւ կառուցողական համագործակցության սկզբունքներին՝ մեր փոխհարաբերությունների բազմակողմ ներուժի զարգացմանը նպաստելու եւ մեր ժողովուրդների միջեւ բարեկամական կապերի ամրապնդման նպատակով:
Ավարտելով իմ գործունեությունը՝ ուզում եմ իմ անկեղծ շնորհակալությունը հայտնել Ռուսաստանի բոլոր պետական մարմինների ներկայացուցիչներին՝ ամենօրյա քրտնաջան աշխատանքի, փոխադարձ հարգանքի եւ բաց երկխոսության համար, Ռուսաստանի Դաշնությունում օտարերկրյա պետությունները ներկայացնող իմ գործընկերներին, մեր բազմաթիվ գործընկերներին, տարբեր կազմակերպություններին, լուսավորչական, կրթական եւ մշակութային հաստատություններին եւ զանգվածային լրատվության միջոցներին՝ համատեղ աշխատանքի եւ մեր նախաձեռնություններին աջակցելու համար։
Անկեղծորեն երախտապարտ եմ Ռուսաստանի հայ համայնքին, մասնավորապես՝ Ռուսաստանի հայերի միությանը, առանձին համայնքային կառույցներին, տարածաշրջանային միավորումներին, նախաձեռնող խմբերին եւ պրոֆեսիոնալ հանրույթներին, ակտիվիստներին եւ մեկենասներին, որոնք այս ամբողջ ընթացքում շարունակում էին սերտորեն փոխգործակցել մեզ հետ եւ ջանքեր գործադրել մեր առջեւ կանգնած խնդիրների լուծման համար։
Առանձին ցանկանում եմ երախտագիտության խոսքեր հղել Հայ Առաքելական եկեղեցու Ռուսաստանի եւ Նոր Նախիջեւանի թեմին՝ արքեպիսկոպոս Եզրաս Ներսիսյանի գլխավորությամբ։ Համոզված եմ, որ մեր հոգեւոր ժառանգությունը մեր ինքնության պահպանման ու հայկական պետության բարգավաճման գլխավոր երաշխավորն է։
Հարգելի բարեկամներ,
Ցանկանում եմ նաեւ տեղեկացնել, որ դիվանագիտական ներկայացուցչության ղեկավարի պաշտոնում գտնվելուս վերջին օրը որոշել եմ ուխտագնացություն կատարել Ռուսաստանի վանքերից մեկը, որտեղ պահվում են հազվադեպ նյութեր եւ վկայություններ՝ կապված հայ ժողովրդի պատմության, նրա հոգեւոր հարստության եւ ժառանգության հետ»։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...