Թուրքիան պատրաստվում է միջնորդ դառնալ Քաթարի շուրջ ստեղծված ճգնաժամում
Թուրքիայի փոխվարչապետ Նուման Քուրթուլմուշը հայտարարել է, որ Անկարան կարող է միջնորդ հանդես գալ Քաթարի շուրջ ստեղծված ճգնաժամի կարգավորման հարցում, հայտնում է Reuters գործակալությունը:
«Թուրքիայի նախագահը կլսի բոլոր կողմերին, բայց Սաուդյան Արաբիան պետք է հրաժարվի 13 պահանջները ներառող ծրագրից և վերանայի այն»,- ասել է փոխվարչապետը Al Jazeera հեռուստաալիքին տված հարցազրույցում՝ երկիր Թուրքիայի նախագահ Ռեջեփ Թայիփ Էրդողանի այցից առաջ:
«Ինչ վերաբերում է Քաթարին, նա պետք է դրական դիրքորոշում ընդունի, որը կօգնի անցնել բանակցությունների փուլերը, իսկ Թուրքիան կարող է միջնորդ լինել»,- հավելել է նա:
Ավելի վաղ հայտնի է դարձել, որ Էրդողանը պատրաստվում է դիվանագիտական շրջագայության մեկնել Քաթար, Քուվեյթ և Սաուդյան Արաբիա հուլիսի 23-24-ին:
Չորեքշաբթի հայտնի է դարձել, որ Սաուդյան Արաբիան, ԱՄԷ-ն, Բահրեյնը և Եգիպտոսը կրճատել են Քաթարին ներկայացված պահանջների ցանկը և կոչ են արել դրանք կատարել՝ առանց կոնկրետ ժամկետների: Wall Street Journal թերթի տվյալներով՝ արաբական երկրները 13 մանրամասն պահանջի փոխարեն ձևակերպել են վեց ընդհանուր «սկզբունք»: Թերթի տվյալներով՝ նոր ցանկում բացակայում է Al Jazeera ողջ արբանյակային հեռուստաալիքը փակելու պահանջը:
Սաուդյան Արաբիան, ԱՄԷ-ն, Բահրեյնը և Եգիպտոսը հունիսի 5-ին խզել են դիվանագիտական հարաբերությունները Դոհայի հետ և դադարեցրել Քաթարի հետ բոլոր տեսակի կապերը՝ նրան մեղադրելով ահաբեկչությանն աջակցելու և նրանց ներքին գործերին միջամտելու համար: Ավելի ուշ դիվանագիտական հարաբերությունները խզելու մասին են նաև հայտարարել Մալդիվները, Մավրիկիան, Մավրիտանիան: Հորդանանը և Ջիբութին նվազեցրել են Քաթարում իրենց դիվանագիտական ներկայացուցչությունների մակարդակը: Քաթարի շրջափակմանը չի միացել Պարսից ծոցի երկրների համագործակցության խորհրդի մեջ մտնող միայն երկու պետություն՝ Քուվեյթը և Օմանը: Սենեգալը, Նիգերը և Չադը հայտարարել են դեսպաններին հետ կանչելու մասին:
Սաուդյան Արաբիան, Եգիպտոսը, ԱՄԷ-ն և Բահրեյնն ավելի ուշ Քաթարին են ներկայացրել 13 կետից բաղկացած ցանկ՝ պահանջելով խզել դիվանագիտական հարաբերություններն Իրանի հետ, փակել թուրքական ռազմաբազան, խզել բոլոր կապերը «Մուսուլման եղբայրների» հետ, ինչպես նաև փակել «Ալ-Ջազիրա» արբանյակային հեռուստաալիքը: Թուրքիայի պաշտպանության նախարար Ֆիքրի Ըշըքը հայտարարել է, որ Թուրքիան չի պատրաստվում վերանայել Քաթարում իր ռազմաբազայի տեղակայման հարցը, իսկ այն փակելու ցանկացած պահանջ կհամարվի Քաթարի հետ Անկարայի հարաբերություններին միջամտություն:
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
9-21 կմ պետք է Ադրբեջանի տարածքով անցնենք, որ հասնենք Արծվաշեն. Սասուն Միքայելյան
Ռուսական գազի գինը Հայաստանի համար չի կարող թանկանալ
Երեւանում եւս ժամանակ առ ժամանակ սպասվում է անձրեւ եւ ամպրոպ
«Ատոմային նոր էներգաբլոկի կառուցում» ՓԲԸ-ի կանոնադրական կապիտալը կհամալրվի 200 մլն դրամով
Պատերազմում շրջադարձային պահ է, հայտարարել է Ուկրաինայի ԱԳ նախարարը
Բելգիայում բացվել է առաջին Թումո կենտրոնը
Ռոնալդինյոն ժամանել է Հայաստան
ՃՏՊ Երեւանի կենտրոնում` մահվան դեպքով
«Մի նոր փոդքաստ պարտադիր դիտման համար» հյուր՝ Հայկ Կոնջորյան թողարկում 6