ԱՄՆ-ն մտադիր է Իրանի դեմ նոր պատժամիջոցներ սահմանել
ԱՄՆ-ն մտադիր է Իրանի դեմ նոր պատժամիջոցներ սահմանել՝ տարածաշրջանում նրա հրթիռային ծրագրի ու «թշնամական գործունեության» հետ կապված։ «ՌԻԱ Նովոստի»-ի փոխանցմամբ՝ այս մասին լրագրողներին ասել է Սպիտակ տան ներկայացուցիչը։
«Մենք նոր պատժամիջոցներ կսահմանենք՝ Իրանին պատասխանատվության ենթարկելու համար՝ մի շարք ուղղություններով նրա վարքագծի պատճառով, մասնավորապես՝ հրթիռների հետ կապված»,- ասել է նա։
Նա նշել է, որ պատժամիջոցները կապ չեն ունենա երկու տարի առաջ Իրանի եւ համաշխարհային հանրության միջեւ, ներառյալ՝ ԱՄՆ-ն, ստորագրված Գործողությունների համատեղ համընդգրկուն ծրագրի հետ։ Այդ համաձայնագրի շրջանակում Վաշինգտոնը Իրանի դեմ մի շարք պատժամիջոցներ է չեղարկել։
«Դրանք «միջուկային համաձայնագրի» շրջանակում չեղարկված պատժամիջոցները չեն»,- նշել է պաշտոնյան։ Նա, սակայն, չի հստակեցրել, թե ե՞րբ եւ ո՞ւմ դեմ կսահմանվեն նոր պատժամիջոցները։
Սպիտակ տանը հավելել են, որ ԱՄՆ նախագահն ու պետքարտուղարը Իրանի «միջուկային համաձայնագրի» իրականացման վերաբերյալ կոնգրեսին եռամսյակային հաշվետվությունում մտադիր են նշել, որ «այդ երկիրը նախկինի պես ԱՄՆ-ի եւ նրա շահերի, ինչպես նաեւ տարածաշրջանային կայունության համար ամենամեծ սպառնալիքն է», ինչպես նաեւ նշել «Իրանի թշնամական գործունեությունը, որը տարածվում է միջուկային ոլորտից շատ հեռու»։
Մենք միանգամայն արժանիորեն դուրս եկանք հաջորդ փուլ
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Ուրումչիի մշակութային ուղին. Գրանդ բազար
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Սևանում տեղի է ունեցել «Sevan AgriTech Summit»-ը
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
Մահացել է աշխարհի չեմպիոն և «Միլանի» լեգենդ Ֆրանկո Բարեզին
ԱՄՆ պետքարտուղարությունը դեմ է Թուրքիային F-35 կործանիչների վաճառքին. Fox News
Մնացական Սաֆարյանն ու Պորտուգալիայի նորանշանակ դեսպանը քննարկել են երկկողմ համագործակցության օրակարգ...