Թուրքիայում ևս 7 հազար մարդ է ձերբակալվել. Բանտ-երկիր

Թուրքիայում նախօրեին ևս 7 հազար ոստիկան, պաշտոնյա և ուսուցիչ է ձերբակալվել՝ անցած տարվա հեղաշրջման փորձին աջակցելու համար:

Ուղիղ մեկ տարի առաջ այս օրը, հիշեցնենք, երկրի զինված ուժերի մի խումբ զինծառայողներ ու սպաներ փորձեցին տապալել նախագահ Ռեջեփ Էրդողանի վարչակազմը: Հիմնական իրադարձությունները ծավալվում էին մայրաքաղաք Անկարայում և Ստամբուլում, բախումների արդյունքում զոհվեց առնվազն 260 մարդ:

Ապստամբության փորձը ճնշելուց հետո գործող վարչակազմը արտակարգ դրություն հայտարարեց՝ ազատազրկելով ավելի քան 50 հազար պետական ծառայողների, այդ թվում՝ զինվորականների, դատավորների ու ուսուցիչների:

Պաշտոնական Անկարան շարունակում է պնդել, թե հեղաշրջման այս փորձի ետևում կանգնած էր Միացյալ Նահանգներում բնակվող հոգևորական գործիչ Ֆեթուլահ Գյուլենը, և Վաշինգտոնից պահանջում է արտահանձնել նրան: Գյուլենը հերքում է այս մեղադրանքները՝ խոստանալով վերադառնալ հայրենիք, եթե իր մեղքն ապացուցեն:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով