Քննարկվել են Ռուսաստանից Իրան գազատարների կառուցման և գազի մատակարարման հարցերը
Ռուսաստանի նախագահ Վլադիմիր Պուտինը Կրեմլում հանդիպել է Իրանի ազգային անվտանգության գերագույն խորհրդի քարտուղար Մոհսեն Ռեզայիի հետ։
Ռեզային շնորհակալություն է հայտնել Ռուսաստանի նախագահին և ռուսաստանցի այլ պաշտոնյաներին՝ Թեհրանին ու իրանցի ժողովրդին ցուցաբերած աջակցության համար։ Նա նաև բարձր է գնահատել ռուսաստանցի պաշտոնյաների հայտարարությունները՝ ի պաշտպանություն հանգուցյալ գերագույն առաջնորդ Ալի Խամենեիի և Իրանի այլ ազգային գործիչների։
Ռեզայիի խոսքով՝ հանդիպմանը քննարկվել են նաև Ռուսաստանից Իրան գազատարների կառուցման և ռուսական գազի մատակարարման հարցերը։ Նրա խոսքով՝ այդ նախագծերը կարող են օգնել Իրանին հաղթահարել գազի պակասը և ռուսական գազը վերավաճառել հարևան երկրներին։
Քննարկումների օրակարգում են եղել նաև տարածաշրջանային հարցերը, հետպատերազմյան իրավիճակն ու տարածաշրջանային անվտանգությունը։ Ռեզայիի փոխանցմամբ՝ կողմերը վերահաստատել են ռազմավարական համագործակցությունը շարունակելու իրենց մտադրությունը՝ երկու երկրների ղեկավարությունների համաձայնեցրած ճանապարհային քարտեզի համաձայն։
Հիշեցնենք, որ հոկտեմբերի 27-ին Պուտինը հանդիպել էր Իրանի նախագահ Մասուդ Փեզեշքիանի հետ՝ Գազ արտահանող երկրների ֆորումի ութերորդ գագաթնաժողովի շրջանակում։ Հանդիպմանը Ռուսաստանի նախագահը մտահոգություն էր հայտնել Մերձավոր Արևելքում ստեղծված իրավիճակի կապակցությամբ՝ նշելով, որ Մոսկվան և Թեհրանն ունեն բազմաթիվ ընդհանուր շահեր, որոնց իրագործման ուղղությամբ աշխատում են։ Պուտինը նաև հայտարարել էր, որ Ռուսաստանը պատրաստ է աջակցել Իրանի շուրջ ստեղծված ճգնաժամի կարգավորմանը։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը