Թրամփն ասել է, որ Մեքսիկայի հետ սահմանին կառուցվելիք պատը տեղ-տեղ թափանցիկ է լինելու
Միացյալ Նահանգների նախագահ Դոնալդ Թրամփն անդրադարձել է Մեքսիկայի հետ սահմանին կառուցվելիք վիճահարույց պատի թեմային՝ մանրամասնելով, որ պատը տեղ-տեղ թափանցիկ է լինելու:
Ինչպես նշում է The Daily Mail-ը, 71-ամյա ղեկավարի խոսքով՝ մյուս մասերում պատը կլինի պողպատից ու դրանում կլինեն դռներ:
«Պատը տեղ-տեղ պետք է թափանցիկ լինի, որպեսզի կարողանանք դրա միջով տեսնել: Բայց այն հատվածներում, որտեղ պատը թափանցիկ չի կլինի, կարող է պողպատից կառուցված լինել: Այդտեղ կլինեն դռներ, որպեսզի հնարավոր լինի տեսնել՝ ինչ է կատարվում պատի մյուս կողմում»,-ասել է Թրամփը:
Միացյալ Նահանգների նախագահը բացատրել է, որ թափանցիկ պատը թույլ չի տա, որ սահմանի մյուս կողմից մեքսիկացիները թմրանյութով ծանրոցները նետեն ԱՄՆ տարածք:
Նա նաև մանրամասնել է, որ պատի թափանցիկ հատվածը կարող է ունենալ 1.100-1.400 կմ երկարություն:
Թրամփի կարծիքով՝ ամենևին էլ պարտադիր չէ, որպեսզի պատը կառուցվի Մեքսիկայի հետ սահմանի ամբողջ երկայնքով: Ըստ ղեկավարի՝ բավական է 3.200 կմ, մինչդեռ մնացած հատվածները կփակեն բնական պատնեշները՝ սարերն ու գետերը:
Թրամփը նաև ասել է, որ ամենևին էլ չի կատակել, երբ հայտարարել է, որ պատի վրա մտադիր է արևային մարտկոցներ տեղադրել:
Մենք միանգամայն արժանիորեն դուրս եկանք հաջորդ փուլ
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Ուրումչիի մշակութային ուղին. Գրանդ բազար
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Սևանում տեղի է ունեցել «Sevan AgriTech Summit»-ը
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
Մահացել է աշխարհի չեմպիոն և «Միլանի» լեգենդ Ֆրանկո Բարեզին
ԱՄՆ պետքարտուղարությունը դեմ է Թուրքիային F-35 կործանիչների վաճառքին. Fox News
Մնացական Սաֆարյանն ու Պորտուգալիայի նորանշանակ դեսպանը քննարկել են երկկողմ համագործակցության օրակարգ...