Ժիրինովսկին առաջարկել է դիակիզել Լենինին

Ռուսաստանի լիբերալ-դեմոկրատական կուսակցության առաջնորդ Վլադիմիր Ժիրինովսկին առաջարկել է դիակիզել Վլադիմիր Լենինի մարմինը, եթե կոմունիստները չեն ցանկանում այն հանձնել ամերիկացի նկարիչ Դեւիդ Դատունային: Այս մասին նա հայտարարել է «Вести FM» ռադիոկայանի եթերում, փոխանցում է ՌԻԱ Նովոստի- ն։

«Մեզ այդ դիակը պետք չէ։ Խնդրեմ, եկեք չվաճառենք, եկեք տանենք դիակիզարան, այրենք մարմինն ու կոլբան թաղենք Սիմբիրսկում, նրա հոր գերեզմանի մեջ, կամ Պետերբուրգում, մոր գերեզմանում», — ասել է խմբակցության ղեկավարը։ Նա նաեւ նշել է, որ Դատունան պատրաստ է հեղափոխության առաջնորդի մարմնի համար վճարել մինչեւ մեկ միլիարդ դոլար, իսկ դա, Ժիրինովսկու խոսքով, հսկայական գումար է:

Նկարիչ Դևիդ Դատունան հայտարարել է, որ ԱՄՆ-ն այժմ շարժվում է դեպի կոմունիզմ։ Հենց այդ պատճառով էլ, կարծում է արվեստագետը, Լենինի մարմինն ավելի շատ պետք է այնտեղ։ Նա առաջարկել է Մոսկվայից գնել հեղափոխության առաջնորդին եւ նրան տեղափոխել ԱՄՆ-ում նոր վայր՝ Վաշինգտոնում ստեղծելով դամբարանի պատճենը։

Այս թեմայով Ժիրինովսկի. «Միշիկո, ինչո՞ւ գնացիր Թբիլիսի: Ինչո՞ւ չեկար Մոսկվա» Ժիրինովսկին պահանջում է գործ հարուցել Ադրբեջանի նախկին դեսպանի հնչեցրած վիրավորանքներից հետո Լուկաշենկոն դառնում է ՌԴ գյուղատնտեսության գծով փոխվարչապետ, այլապես կարժանանա Պինոչետի ճակատագրին․ Ժիրինովսկի «26 տարի իշխանության, դու արդեն զզվեցրել ես». Ժիրինովսկին Լուկաշենկոյին «սովխոզի» տնօրեն է անվանել (տեսանյութ) Ժիրինովսկին՝ «Ֆուդ սիթի»-ում իրավիճակի մասին․ Այստեղ տայգա չէ, որ պարտադրեք ձեր վայրի բարբարոս միջոցները