Դավութօղլուն Էրդողանին հեռուստաբանավեճի է կանչել

Թուրքիայի նախկին վարչապետ եւ ընդդիմադիր «Ապագայի կուսակցության» առաջնորդ Ահմեդ Դավութօղլուն նախկին դաշնակից եւ Թուրքիայի նախագահ Ռեջեփ Թայիփ Էրդողանին հրավիրել է հեռուստաբանավեճի, հաղորդում է Duvar-ը:

Դավութօղլուի խոսքերով՝ եթե իշխող «Արդարություն եւ զարգացում» կուսակցությունը ցանկանում է բանավիճել նոր ընդդիմադիր կուսակցության հետ, վերջինս պատրաստ է դրան:

Վերջին անգամ Էրդողանը քաղաքական հեռուստաբանավեճի մասնակցել է 2002 թվականին:

Դավութօղլուն վարչապետ էր եւ իշխող ԱԶԿ-ի նախագահն էր 2014-2016 թվականներին, մինչեւ նա վիճեց Էրդողանի հետ եւ ստիպված հեռացավ: Նա կուսակցությունից հեռացել էր անցյալ տարվա սեպտեմբերին, նախքան դեկտեմբերին մրցակից կուսակցություն ստեղծելը:

«Մենք կպատասխանենք բոլոր մեղադրանքներին եւ մեկը մյուսի հետեւից կթվարկենք նրա սխալ քաղաքականության այլընտրանքը»,- ասել է Դավութօղլուն՝ նկատի ունենալով Էրդողանին:

Նա քննադատել է կառավարության գործողությունները՝ կորոնավիրուսի համավարակի հետ կապված՝ հայտարարելով, որ դրական արդյունք ունեցող հիվանդներին հասարակական տրանսպորտով տուն են ուղարկում, իսկ բուժաշխատողները աշխատում են մինչեւ ուժասպառ լինելը:

Դավութօղլուն նաեւ տնտեսական գործունեության համար է հարված հասցրել ԱԶԿ-ին՝ ասելով, որ երկրի վարկային վարկանիշը իջել է ավելի ցածր մակարդակի, քան 25 տարի առաջ էր:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով