Բելառուսի ՆԳՆ-ն հաստատել է Մինսկում ընդդիմության բողոքի ակցիայի ժամանակ տեղի ունեցած հրաձգությունն ու նշել է ձերբակալվածների թիվը
Բելառուսի ներքին գործերի նախարարությունը հաստատել է սեպտեմբերի 13-ին բողոքի ակցիաների ժամանակ Մինսկում տեղի ունեցած հրաձգության փաստը և տեղեկացրել ավելի քան 400 ձերբակալվածի մասին, գրում է «ՌԻԱ Նովոստի» գործակալությունը:
Գերատեսչության տվյալներով` իրավապահ մարմինների աշխատակիցներից մեկը պոմպային հրազենից նախաշգուշական կրակոց է արձակել դեպի օդ: Դա կատարվել է այն պահին, երբ ցուցարարները փորձել են ազատել ձերբակալվածներին ոստիկանների ձեռքերից:
Միևնույն ժամանակ, ՆԳՆ-ն հերքել է իրավապահ մարմինների կողմից լուսաձայնային նռնակների կիրառումը:
Բողոքի ցույցերը Բելառուսում չեն դադարում օգոստոսի 9-ին կայացած նախագահական ընտրություններից ի վեր. ընդդիմադիրներն ու նրանց կողմնակիցներն ամեն օր փողոց են դուրս գալիս՝ բողոքելով ընտրությունների արդյունքներից, որոնց համաձայն՝ հաղթող է ճանաչվել երկրի գործող նախագահ Ալեքսանդր Լուկաշենկոն: