Հայտնի է դարձել բողոքի ակցիաների ժամանակ Լուկաշենկոյի գտնվելու վայրի մասին. Նախագահը կրկին հայտնվել է ինքնաձիգը ձեռքում

Բելառուսի նախագահ Ալեքսանդր Լուկաշենկոն Մինսկում բողոքի ակցիաների ժամանակ գտնվում էր իր նստավայրում։ Այս մասին հայտնում է նրա մամուլի ծառայությանը մոտ կանգնած «Пул Первого»-ի Telegram-ալիքը:

Նշվում է, որ Բելառուսի նախագահի լուսանկարն՝ ինքնաձիգը ձեռքին, արվել է ժամը 16:00-ի սահմաններում, «երբ թափառող ամբոխը Անկախության պալատի մոտ էր, այնտեղ էր նաեւ նախագահը»:

Բելառուսի նախագահ Ալեքսանդր Լուկաշենկոյի մամուլի քարտուղարը ՌԻԱ Նովոստի - ի՝ նախագահի գտնվելու վայրի մասին հարցին, ի պատասխան հրապարակել է նրա լուսանկարը:

Գործակալության հրապարակած լուսանկարում Լուկաշենկոն կրկին հայտնվել է զրահաբաճկոնով եւ ինքնաձիգով Անկախության պալատի մոտ:

Մինսկում այսօր՝ օգոստոսի 30-ին, տեղի է ունենում «Խաղաղության եւ անկախության երթ» բողոքի ակցիան։ Ավելի վաղ հաղորդվել էր, որ դրա մասնակիցները մոտեցել են Անկախության պալատին, որտեղ գտնվում է Բելառուսի նախագահի նստավայրը: Շենքը շրջապատված է ՕՄՕՆ-ի ուժեղացված ջոկատներով եւ ներքին զորքերի ստորաբաժանումներով:

Այս թեմայով Մինսկում ընթանում է ընդդիմության «փայլուն երթը» Բելառուսի ՆԳՆ-ն հաստատել է Մինսկում ընդդիմության բողոքի ակցիայի ժամանակ տեղի ունեցած հրաձգությունն ու նշել է ձերբակալվածների թիվը Տիխանովսկայայի աջակից Օլգա Կովալկովան հայտնել է, որ Բելառուսի իշխանություններն իրեն դուրս են բերել երկրից «Մեկը բոլորի եւ բոլորը մեկի համար»․ Տիխանովսկայան հայտարարել է Միասնության քայլերթ Մինսկում «Նրանց «ֆաս» հրաման է տրվել». Լուկաշենկոն մեկնաբանել է մերձբալթյան երկրների կողմից Բելառուսի նկատմամբ սահմանված պատժամիջոցները