Շվեդ պատգամավորը` Էրդողանի դեմ հայցի մասին. Թուրքիային չի հաջողվել անցյալից դասեր քաղել

Շվեդիայի պատգամավորների ներկայացրած հայցն ընդդեմ Թուրքիայի նախագահ Ռեջեփ Թայիփ Էրդողանի հիմնված է ՄԱԿ-ի մարդու իրավունքների գերագույն հանձնակատարի 2015-2016 թվականների զեկույցի վրա, ինչպես նաեւ Թուրքիայում մարդու իրավունքների կազմակերպությունների հաղորդած տեղեկությունների վրա: Այս մասին NEWS.am-ի հարցմանն ի պատասխան հայտարարեց հայցի հեղինակներից Կարլ Շլիտերը:

Հիշեցնենք, որ շվեդ պատգամավորները Թուրքիայի նախագահին մեղադրում են ցեղասպանության, մարդկության դեմ հանցագործությունների եւ ռազմական հանցագործությունների մեջ: Ավելի վաղ հաղորդվել է, որ ձախ եւ կանաչների կուսակցության պատգամավորների խմբի հայցը վերաբերում է երկրի հարավ-արեւելքում քրդերի եւ թուրքերի միջեւ հակամարտությանը:

Ի պատասխան հարցին` իրենք արդյոք քննարկե՞լ են ազգային այլ փոքրամասնությունների ներկայացուցիչների մասնակցությամբ դեպքերը, Կարլ Շլիտերը նշեց, որ իրենց բողոքը հիմնած է անկախության եւ էթնիկ պատականելության դեմ ուղղված հանցագործությունների վերաբերյալ հաղորդումների վրա, չնայած ամենահաճախակի դեպքերը եղել են քրդերի կատմամբ:

«Ինչ վերաբերում է պատմական ցեղասպանությանը, որը գլխավորապես առնչվում է հայերին, Թուրքիան պետք է դադարի հերքել եւ ճշմարտությունը ճանաչի, որպեսզի միջազգային հանրության հարգանքը վայելի»,- կարծում է Շլիտերը:

Նրա տեսակետի հետ համաձայն է հայցի մյուս նախաձեռնող, պատգամավոր Ռիքսդագա Աննիկա Լիլեմետսը: «Ինչ վերաբերում է Հայոց ցեղասպանության հարցին, ես կցանկանայի հղում կատարել Շվեդիայի խորհրդարանի 2010 թվականի մարտի 11-ի որոշմանը: Մենք լիովին աջակցում ենք այդ որոշմանը»,- հայտարարել է նա:

2010 թվականի մարտին Շվեդիայի խորհրդարանը Հայոց ցեղասպանության վերաբերյալ բանաձեւ է ընդունել (https://news.am/rus/news/16443.html) բուռն բանավեճերից հետո: Օրինագիծը, որը շրջանառության նեջ էր դրված դեռեւս 2008 թվականի աշնանից, նախաձեռնել էին ընդդիմադիր 3 կուսակցություններ` սոցիալ-դեմոկրատները, կանաչները եւ ձախերը: Օրինագիծն ընդունվել էր 131 կողմ ձայներով, դեմ էր քվեարկել 130 պատգամավոր:

Շլիտերի խոսքով` Թուրքիան պետք է անցյալի հետ հաշտվի, որ հնարավորություն ունենա աշխատանքային հարաբերություններ հաստատել իր հարեւանների հետ, եւ համոզվի, որ այս իրադարձությունները կրկնելու միտքը երբեք չի վերադառնա: «Ահա թե ինչու ենք մենք այսօր այդքան մտահոգված, որ, ըստ երեւույթին, այդպես էլ չի հաջողվել անցյալից դասեր քաղել»,- ամփոփեց նա:

 NEWS.am