Մոսուլի համար մարտերում իրականացվել են սարսափելի հանցագործություններ
Մոսուլի համար մարտերում երկու կողմերն էլ ռազմական հանցագործություններ են իրականացրել, հայտնել է Amnesty International-ը։ Կազմակերպության տեղեկություններով, ջիհադականները օգտագործել են խաղաղ բնակիչներին, որպես կենդանի վահաններ, իսկ կոալիցիայի զորքերը կիրառել են զենքի անթույլատրելի տեսակներ, հայտնում է «Գերմանական ալիքը»։
Երկու կողմերն էլ իրականացրել են ծանրագույն հանցագործություններ քաղաքացիական բնակչության դեմ, վստահեցնում է Amnesty International իրավապաշտպան միջազգային կազմակերպությունը։ «Որոշ դեպքերում այդ արարքները ռազմական հանցագործություններին հավասարազոր են»,- փաստել են իրավապաշտպանները իրենց «Ամեն գնով» զեկույցում, որը ներկայացվել է Բեռլինում հուլիսի 11-ին։
Փաստաթղթում մասնավորապես ասվում է, որ ԻՊ զինյալները Մոսուլի արեւմտյան մասի համար պայքարում օգտագործել են խաղաղ բնակիչներին որպես կենդանի վահան, իսկ ԱՄՆ-ի հրամանատարությամբ գործող կոալիցիայի զորքերը կիրառել են սպառազինում, «որը ոչ մի հանգամանքներում չի կարելի կիրառել խիտ բնակեցված շրջաններում»։
Զեկույցում, որտեղ ներկայացված են ականատեսների, բժշկական անձնակազմի ու փորձագետների ցուցմունքները, հայտնում են նաեւ, որ ԻՊ զինյալները խանգարել են քաղաքացիական բնակչությանը Մոսուլից փախչելիս, փակելով դարպասները ու տեղադրելով ականներ։ Դիմադրողներից շատերին սպանել են։
Միաժամանակ կոալիցիայի զորքերը սպանել են առնվազն 426 խաղաղ բնակիչների՝ կիրառելով ծանր որ ոչ գերճշգրիտ սպառազինումների տեսակներ։ Մի անգամ փորձելով ոչնչացնել երկու դիպուկահարների՝ սպանել են 105 խաղաղ բնակիչների։ Կազմակերպությունը կոչ է արել հետաքննել Մոսուլում տեղի ունեցած ենթադրյալ ռազմական հանցագործությունները։
Հայաստանում ԱՄՆ դեսպանատունը զգուշացնում է
Այսօրվանից վերսկսվում են Կապան-Երևան-Կապան թռիչքները․ Խուդաթյան
ԱՄՆ-ն հարվածել է խոշոր զինամթերքի պահեստի
Աջակցությունը կազմում է 50%՝ առավելագույնը 1-1.5 մլն դրամ՝ կախված սերտիֆիկատի տեսակից․ Գևորգ Պապոյան...
Երիտասարդը իրավապահներից փախչելիս ընկել է Հրազդանի կիրճի ջրատարը
Արաղչին առաջարկել է տարածաշրջանից հեռացնել ամերիկյան զորքերը
Մի խաբեք մարդկանց. Արցախը վերադարձնելու հարցում մենք որեւէ դաշնակից չունենք
Դասերը կվերսկսվեն առկա ձևաչափով վաղվանից՝ մարտի 31-ից․ Հայաստանի ամերիկյան համալսարան
Ինչու Սպերցյանը չտեղափոխվեց Պորտու
Զաբել տատն իր 100-ամյա հոբելյանը կյանքի ամենաերջանիկ օրերից մեկն է համարում. հարազատները ծննդյան օրն...