Մինսկում գիշերային ցույցերի ժամանակ ավտոմեքենան մխրճվել է ուժայինների խմբի մեջ
Մինսկում գիշերային ցույցերի ժամանակ ավտոմեքենան մխրճվել է ուժայինների խմբի մեջ: Միջադեպի տեսանյութը տարածվել է սոցիալական ցանցերում, հայտնում է ՄԿ-ն:
Կադրերում երեւում է, որ ավտոմեքենայի ուղղությամբ լուսաձայնային նռնակներ են թռնում, իսկ հետո այն մխրճվում է ՕՄՈՆ-ի մեջ: Մի քանի մարդ վրաերթի է ենթարկվել, մյուսները հասցրել են մի կողմ նետվել: Ավտոմեքենան հեռացել է դեպքի վայրից:
Ավելի վաղ բելառուսական ուժայինները սկսել էին ցրել ցուցարարներին դեպի Մինսկի ծայրամասեր: Ինչպես դեպքի վայրից հայտնում է ՏԱՍՍ-ի թղթակիցը, ոստիկանության ուժեղացված ջոկատները ներքին զորքերի ստորաբաժանումների աջակցությամբ սկսել են շարժվել Բելառուսի մայրաքաղաքի Կունցեւշչինա թաղամասի Պրիտիցկի պողոտայի երկայնքով: