Թրամփը համաձայն է, որ Ռուսաստանը միջամտել է 2016թ. ԱՄՆ նախագահական ընտրություններին

ԱՄՆ նախագահ Դոնալդ Թրամփը համաձայն է, որ Ռուսաստանը միջամտել է 2016 թվականի նախագահական ընտրություններին: Այս մասին նա հայտարարել է Լեհաստան կատարած այցի ժամանակ Վարշավայում ունեցած ելույթում: Նա, միաժամանակ, նշել է, որ, իր կարծիքով, «այլ երկրներ» կարող էին նույնն անել:

Թրամփը չի հստակեցրել, թե ո՞ր երկրները կարող էին միջամտել ԱՄՆ նախագահական ընտրություններին՝ նշելով, որ «ոչ ոք հստակ չգիտի»: AP փոխանցմամբ՝ նա նաեւ կրկնել է իր հայտարարությունը, որ նախկին նախագահ Բարաք Օբաման գիտեր, որ Ռուսաստանը միջամտում է ընտրություններին, բայց մտածված «ոչինչ չարեց», քանի որ կարծում էր, որ ընտրություններում հաղթելու է դեմոկրատ Հիլարի Քլինթոնը:

NEWS.am