Ավիգդոր Էսկին․ Հայաստանը կարող է դեր կատարել Իսրայելի ու Իրանի կառուցողական շփման հարցում

2-3 տարի հետո Իսրայելն ու Իրանը կսկսեն կառուցողական շփում։ Այս մասին հունիսի 30-ին լրագրողների հետ հանդիպման ժամանակ ասել է իսրայելցի քաղաքագետ, հասարակական գործիչ Ավիգդոր Էսկինը։

Նրա խոսքով, իրականում ինքը ժամանել է ոչ միայն Լեռնային Ղարաբաղ այցելելու համար։ «Ես ժամանել եմ նաեւ որովհետեւ վստահ եմ, որ Մերձավոր արեւելքում աշխարհքաղաքական հավասարակշռությունը փոխվում է։ Ես կարծում եմ, ո ր 2-3 տարի հետո մենք կտեսնենք, թե ինչպես Իսրայելն ու Իրանը ավելի ու ավելի շատ կառուցողական շփում կսկսեն, քանի որ ըստ էության Իսրայելի ու Իրանի միջեւ հիմա արդեն հակասություններ չկան։ Հասկանալի է, որ Հայաստանը նույնպես կարող էր որեւ է դեր կատարել, եթե դա նրան հետաքրքիր է»,-շեշտել է Ավիգդոր Էսկինը։

NEWS.am