Չինաստանում կինն ուշաթափվել է խանութում՝ կոտրելով 38.000 եվրո արժողությամբ թևնոցը (լուսանկարներ, տեսանյութ)

Չինաստանում զբոսաշրջուհին ուշաթափվել է՝ պատահաբար կոտրելով 300.000 յուան (38.000 եվրո) արժողությամբ նեֆրիտե թևնոցը:

Կինը հունիսի 27-ին այցելել էր Չինաստանի հարավարևմտյան Յունան նահանգի Ռուիլի քաղաքի նեֆրիտի շուկա, երբ պատահաբար գցել է թևնոցն այն փորձելիս:

Ի դժբախտություն կնոջ՝ թևնոցը երկու մասի է բաժանվել:

Տեսանյութում երևում է այն պահը, երբ կինն ուշաթափվում է՝ իմանալով թևնոցի արժեքը: Թևնոցի կոտրվելուց հետո խանութի սեփականատերը հայտնել է նրան, որ զարդն արժեր 38.000 եվրո:

Ականատեսների համաձայն՝ կնոջ ընտանիքը 70.000 յուան (9.000 եվրո) է առաջարկել խանութի տիրոջը որպես փոխհատուցում, սակայն նա հրաժարվել է՝ ասելով, որ դա բավարար չէ:

Անկախ փորձագետը թևնոցը 180.000 յուան (23.000 եվրո) է գնահատել: Ընտանիքը համաձայնել է սեփականատիրոջը վճարել այդ գումարը: