Օբաման շարունակում է ընտանիքի հետ հանգստանալ արևադարձային Ինդոնեզիայում (լուսանկարներ)

Միացյալ Նահանգների նախկին նախագահ Բարաք Օբաման կնոջ ու 2 դուստրերի հետ շարունակում է իր հանգիստը վայելել Ինդոնեզիայում:

Ինչպես նշում է The Daily Mail-ը, նախկին նախագահական ընտանիքը գտնվում է ամենապահանջված զբոսաշրջային վայրերից մեկում՝ Բալի կղզում:

Ստորև ներկայացված լուսանկարներում երևում է, որ հինդուիստական տաճար այցելելու ժամանակ Օբաման նախապատվությունը տվել է ազատ ոճի հագուստին, մինչդեռ Միշել Օբաման, Սաշան ու Մալիան կրել են Բալիում սրբազան վայրեր այցելության համար նախատեսված հանդերձներ:

Նշենք, որ օրերս Օբամաները հրաշալի ժամանակ են անցկացրել Այունգ (Ayung) գետում նավակ թիավարելիս, ինչը Բալիում ամենահայտնի զբոսաշրջային վայելքներից է:
Դրանից հետո Օբամաները զբոսնել են ՅՈՒՆԵՍԿՕ-ի համաշխարհային ոչ մշակութային ժառանգության ցանկում ներառված բրնձի դաշտերով:

Աղբյուրը մանրամասնում է, որ Բալիում Օբամաների ընտանիքը կանգ է առել Four Seasons Resort Bali հյուրանոցում, որտեղ մեկ գիշերվա համար հարկավոր է վճարել 2.500 դոլար:

Օբաման դեռահասության ժամանակ 4 տարի ապրել է Ինդոնեզիայում, քանի որ նրա մայրն ամուսնալուծությունից հետո ամուսնացել է ինդոնեզացու հետ:

Հայտնի է, որ Օբաման այնտեղ ունի դպրոցական ընկերներ: